Grindavíkurbær

Í Grindavík er samhent og metnaðarfullt samfélag þar sem nálægð og samvinna einkenna daglegt líf. Á sama tíma stendur yfir uppbygging sem felur í sér einstakt tækifæri til að hafa áhrif og taka þátt í mótun framtíðar samfélagsins. Hjá Grindavíkurbæ starfar öflugur hópur fólks þar sem fagmennska, samvinna og lausnamiðuð hugsun eru í forgrunni. Lögð er rík áhersla á að veita framúrskarandi þjónustu og skapa umhverfi þar sem starfsfólk fær tækifæri til að vaxa og hafa raunveruleg áhrif.

About

Forstöðumaður Bókasafns Grindavíkur

Grindavíkurbær auglýsir 75% starf forstöðumanns Bókasafns Grindavíkur laust til umsóknar. Um er að ræða fjölbreytt og skapandi starf þar sem áhersla er lögð á þjónustu við íbúa á öllum aldri, sérstaklega börn og ungmenni, ásamt virkri þátttöku í menningar- og samfélagsverkefnum sveitarfélagsins.

Bókasafn Grindavíkur er bæði almennings- og skólabókasafn og starfið byggir á hlutverki bókasafna samkvæmt bókasafnalögum nr. 150/2012. Forstöðumaður gegnir lykilhlutverki í að efla læsi, menningu, upplýsingamiðlun og samfélagslega þátttöku í Grindavík.

Helstu verkefni og ábyrgð

Þjónusta við notendur á öllum aldri með sérstaka áherslu á börn og ungmenni
Umsjón með öflun, skráningu og miðlun safnkosts og fræðslugagna
Skipulagning fræðsluverkefna, lestrarátaka og viðburða fyrir nemendur og almenning
Þróun bókasafnsins sem vinalegs, öruggs og hvetjandi umhverfis
Umsjón með opnun og starfsemi Kvikunnar menningarhúss
Aðstoð við efnisvinnslu fyrir miðla Grindavíkurbæjar
Virk þátttaka í menningar- og samfélagsverkefnum sveitarfélagsins

Menntunar- og hæfniskröfur

Háskólamenntun í bókasafns- og upplýsingafræði eða sambærileg menntun
Reynsla af sambærilegum störfum er æskileg
Reynsla af starfi með börnum og ungmennum er kostur
Hæfni í mannlegum samskiptum og jákvætt viðmót
Frumkvæði, sjálfstæði og góð skipulagshæfni
Geta til að miðla upplýsingum og vinna í teymi
Vilji til að taka þátt í breytingum og þróunarvinnu
Góð íslensku- og enskukunnátta í töluðu og rituðu máli
Hreint sakavottorð
Góð fyrirmynd í samskiptum og hegðun

Starfið heyrir undir frístunda- og menningarsvið Grindavíkurbæjar.

Launakjör eru samkvæmt gildandi samningum Sambands íslenskra sveitarfélaga og viðkomandi stéttarfélags.

Öllum umsóknum skal fylgja greinargóð ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Einungis er tekið við rafrænum umsóknum í gegnum ráðningarvef sveitarfélagsins.

Nánari upplýsingar veitir Eggert Sólberg Jónsson, sviðsstjóri frístunda- og menningarsviðs á netfanginu [email protected] og í síma 420-1100.

Umsækjendur um stöðu forstöðumanns bókasafns þurfa að veita heimild til að leitað sé upplýsinga úr sakaskrá hjá Ríkissaksóknara.

Við hvetjum öll áhugasöm til að sækja um, sérstaklega þau sem hafa áhuga á að taka þátt í áframhaldandi uppbyggingu samfélags og menningarstarfs í Grindavík.

Advertisement published15. May 2026

Application deadline31. May 2026

Language skills