Hjúkrunarfræðingur í Áhættumati persónutrygginga

Ert þú hjúkrunarfræðingur sem vilt nýta klíníska þekkingu þína á nýjan hátt?

TM leitar að hjúkrunarfræðingi til starfa í áhættumati persónutrygginga. Við leitum að einstaklingi sem sameinar nákvæmni, góða greiningarhæfni og mannleg samskipti. Starfið hentar sérstaklega vel hjúkrunarfræðingi sem hefur áhuga á að nýta heilbrigðisþekkingu sína á nýjan hátt, utan hefðbundins klínísks starfsumhverfis.

Starfið felur í sér faglegt og sjálfstætt mat á heilsufarsupplýsingum vegna umsókna um persónutryggingar. Við leggjum áherslu á vandað áhættumat og skýra, faglega þjónustu við viðskiptavini og samstarfsaðila. Hér gefst tækifæri til að vinna á sérhæfðu sviði þar sem heilbrigðisþekking, greiningarhæfni og góð þjónusta fara saman.