Vörður tryggingar

Vörður hefur það að markmiði að bjóða viðskiptavinum viðeigandi vátryggingarvernd á samkeppnishæfu verði. Félagið leggur áherslu á einföld og þægileg vátryggingaviðskipti og persónulega þjónustu. Vörður hefur á að skipa þjónustulipru og vel upplýstu starfsfólki sem vinnur í fjölbreyttu og hvetjandi starfsumhverfi. Lögð er áhersla á traust og áreiðanleika í samskiptum. Lykillinn að farsælum rekstri Varðar er fólkið sem þar starfar. Við leggjum áherslu á starfsánægju, jafnrétti, gott starfsumhverfi, markvissa fræðslu og þjálfun starfsfólks og skemmtilegan vinnustað þar sem hver einstaklingur hefur áhrif og skiptir máli.

About

Sérfræðingur í forvörnum og öryggismálum fyrirtækja

Hefur þú brennandi áhuga á öryggi og forvörnum?

Við leitum að öflugum sérfræðingi sem vill taka þátt í að efla forvarnastarf og öryggismenningu hjá viðskiptavinum Varðar. Við viljum ráða til okkar einstakling sem á auðvelt með að skapa traust, miðla þekkingu og hefur brennandi áhuga á forvarnar- og öryggismálum.

Helstu verkefni og ábyrgð

Leiða og þróa forvarnastarf Varðar
Veita fyrirtækjum ráðgjöf um forvarnir, áhættumat og öryggismál
Framkvæma forvarnarúttektir og áhættumat í samstarfi við viðskiptavini
Fræða og þjálfa starfsfólk og viðskiptavini
Vera öflugur samstarfsaðili viðskiptastjóra í áhættumati og forvarnarvinnu
Miðla þekkingu um forvarnir, meðal annars með fræðslu og greinarskrifum
Byggja upp öflugt samstarf við innri og ytri aðila á sviði forvarna

Menntunar- og hæfniskröfur

Menntun á sviði öryggis, tækni-, verkfræði eða áhættuvísinda. Eða önnur menntun sem nýtist í starfi
Góð samskiptafærni og ánægja af því að vinna með fólki
Geta til að miðla þekkingu á skýran, lifandi og sannfærandi hátt
Reynsla eða þekking á sviði forvarna eða öryggismála
Hæfni í að vinna með gögn og framkvæma greiningar út frá þeim
Sjálfstæð vinnubrögð og drifkraftur
Þjónustulund, lausnamiðaður hugsunarháttur og vilji til að tileinka þér nýja þekkingu

Bakgrunnurinn getur verið fjölbreyttur.

Reynsla af tryggingum, öryggismálum, slökkviliðsstarfi, sjúkraflutningum, vinnuvernd eða sambærilegum störfum getur til dæmis nýst mjög vel. Það sem skiptir okkur mestu máli er að þú hafir áhuga á forvörnum og öryggismálum, eigir auðvelt með að mynda tengsl og getir fengið aðra með þér.

Nánari upplýsingar veitir Friðrik Bragason, forstöðumaður skaðatrygginga ([email protected]) og Thelma Lind Steingrímsdóttir, mannauðsráðgjafi ([email protected]).

Fullum trúnaði er heitið. Öllum umsóknum verður svarað þegar ákvörðun um ráðningu liggur fyrir.

Advertisement published30. October 2026

Application deadline8. November 2026

Language skills