Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Hjúkrunarfræðingur á erfða- og sameindalæknisfræðideild

Við leitum eftir jákvæðum, sjálfstæðum og metnaðarfullum hjúkrunarfræðingi til starfa á erfða- og sameindalæknisfræðideild (ESD) Landspítala.

Á deildinni starfa um 50 manns í öflugu þverfaglegu teymi. ESD veitir alhliða erfðaheilbrigðisþjónustu og er eina deild sinnar tegundar á Íslandi. Deildin heyrir undir rannsóknarþjónustu og sinnir greiningum, vísindarannsóknum, ráðgjöf og kennslu heilbrigðisstétta í faginu.

Vinnuandinn einkennist af samvinnu, lipurð, stuðningi og metnaði. Vinnutími er frá kl. 8-16, virka daga og æskilegt er að umsækjandi geti hafið störf sem fyrst.

Vinnuvika starfsfólks í fullri dagvinnu er 36 stundir sem styður við betra jafnvægi milli vinnu og einkalífs.

Education and requirements

Íslenskt hjúkrunarleyfi

Fagmennska, nákvæmni og vilji til að tileinka sér nýjungar

Gott viðmót, jákvæðni og lipurð í mannlegum samskiptum

Hæfni og geta til að starfa sjálfstætt og í teymi

Góð tölvukunnátta

Góð íslenskukunnátta skilyrði

Áhugi og reynsla af störfum tengdum erfðafræði, sjaldgæfum sjúkdómum og krabbameinslækningum er kostur

Responsibilities

Þátttaka í göngudeildarstarfi með læknum deildar og/ eða undir handleiðslu þeirra

Skipulagning og þátttaka í eftirliti einstaklinga með arfgeng krabbameinsheilkenni og ýmsa sjaldgæfa sjúkdóma

Eftirfylgd rannsókna og miðlun svara í vissum tilfellum

Svara almennum fyrirspurnum ráðþega í ákveðnum eftirfylgdarhópum

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, hjúkrunarfræðingur, rannsóknir, heilbrigðisvísindi

Tungumálahæfni: Íslenska 4/5, enska 3/5

Staðsetning: Skógarhlíð 12, 105 Reykjavík / Eggertsgata, 101 Reykjavík

Nánari upplýsingar

Sigrún Hallgrímsdóttir

Tölvupóstur: [email protected]

Sími: 825-5131

Advertisement published2. November 2026

Application deadline13. November 2026

Language skills