Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

About

Heilsuleikskólinn Holtakot auglýsir eftir starfsmanni í stuðning

Heilsuleikskólinn Holtakot auglýsir eftir einstakling í 100% stöðu til að sinna stuðning við barn með sérþarfir í samvinnu við sérkennslustjóra og deildarstjóra.

Við í Holtakoti leggjum áherslu á faglegt samstarf innan sérkennslunnar þar sem unnið er í teymisvinnu að stuðningi og kennslu barna með sérþarfir.

Leikskólinn er fjögurra deilda leikskóli þar sem lögð er áhersla á hreyfingu, listsköpun og hollt matarræði. Skólinn er Grænfánaskóli og starfar eftir Uppeldi til ábyrgðar. Einkunnarorð skólans eru: Jákvæðni, virðing og öryggi. Áhersla er lögð á metnaðarfullt starf. Heimasíða leikskólans http://www.holtakot.is/

Helstu verkefni og ábyrgð

Að sinna barni með sérþarfir
Að sjá um að einstaklingsnámskrá sé framfylgt
Að starfa í nánu samstarfi við foreldra/forráðamenn, deildarstjóra, sérkennslustjóra, aðra starfsmenn og fagaðila

Menntunar- og hæfniskröfur

Leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði leikskóla
Reynsla af starfi á leikskólastigi eða starfi með börnum er æskileg
Góð íslenskukunnátta er skilyrði, íslenskukunnátta B2 samkvæmt samevrópskum tungumálaramma
Góð samskiptahæfni
Frumkvæð og sjálfstæð vinnubrögðum

*Fáist ekki starfsmaður með leyfisbréf til kennslu kemur til greina að ráða háskólamenntaðan einstakling tímabundið til starfa.

Fríðindi í starfi

Full stytting eða einn frídagur í mánuði og hluti af styttingu safnað í frídaga (sem teknir eru utan sumarorlofstímabils)
Leikskólinn er lokaður í dymbilviku og 2. janúar vegna styttingar starfsfólks
Opnunartími leikskólans er 7:30-16:30 mánud.- fimmtud. og 7:30-16:00 á föstudögum
Fimm skipulagsdagar á ári
25% stöðugildi á hverri deild vegna snemmtækrar íhlutunar
Starfsmannaafsláttur er af leikskólagjöldum og forgangur inn í leikskóla fyrir börn starfsmanna
Eftir þrjá mánuði í starfi getur starfsfólk fengið árskort í sundlaugar bæjarins, menningarkort í Hönnunarsafnið og bókasafnskort og eftir sex mánuði í starfi getur starfsfólk fengið heilsuræktarstyrk.

Umsóknarfrestur er til og með 30. júní 2025. Um er að ræða 100% starf á yngri barna deild, best væri ef umsækjandi geti hafið störf sem fyrst.

Nánari upplýsingar um starfið veitir Ragnhildur Skúladóttir leikskólastjóri í síma 5502380 eða með því að senda tölvupóst á [email protected]

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um með því að smella á Sækja um.

Umsóknum skal fylgja ítarleg starfsferilskrá.

Advertisement published18. June 2025

Application deadline30. June 2025

Language skills