Stuðningsfulltrúi með börnum með sérþarfir – starf sem skiptir máli

Hefur þú áhuga á að vinna með einhverfum börnum?

Arnarskóli leitar að jákvæðum, sveigjanlegum og leikglöðum stuðningsfulltrúum í fullt starf sem geta hafið störf í lok ágúst. Við leitum að einstaklingum með brennandi áhuga á að vinna með börnum með þroskafrávik.

Við metum mikils eiginleika eins og þolinmæði, umhyggju og hæfni í samskiptum. Starfið er krefjandi en afar gefandi og hentar sérstaklega vel þeim sem njóta útiveru, þar sem dagskráin felur í sér reglulega útivist. Við leitum að fólki sem er tilbúið að læra og þróast í starfi.

Arnarskóli er sjálfstætt starfandi sérskóli fyrir börn með einhverfu og önnur þroskafrávik. Við leggjum áherslu á einstaklingsmiðað nám og frístundastarf og veitum samfellda þjónustu allan daginn, allt árið um kring.