Gildingasérfræðingur (e. Validation Technician)

Starfið verður hluti af teymi sem sér um framleiðslubúnað, gildingu ferla og tækja (e. Process Validation), ásamt því að veita víðtæka aðstoð við gæðamál. Starfið felur m.a. í sér söfnun og greiningu gagna, skrif á skýrslum, uppfærslum og viðhaldi ferla, og eftirfylgni með viðeigandi stöðlum og reglugerðum. Samhæfing með þverfaglegum teymum í fjölbreyttum verkefnum er nauðsynleg.

Starfsstaður er á skrifstofu Kerecis á Ísafirði og heyrir starfið undir Frumgerða- og framleiðsluþróunarstjóra.

Hefur þú roð við okkur?

Kerecis er það fyrirtæki sem vex hraðast í heiminum á sviði meðferðar á vefjaskaða og byggir tækni sína á hagnýtingu á roði og fitusýrum. Lækningavörur Kerecis eru notaðar til meðhöndlunar á margskonar líkamsskaða; m.a. á skurðsárum, þrálátum sárum, brunasárum, munnholssárum sem og til að flýta fyrir gróanda og að styrkja innvortis vef eftir skurðaðgerðir og slys.

Um 600 starfsmenn starfa hjá fyrirtækinu á Ísafirði, í Reykjavík, Þýskalandi og í Bandaríkjunum.

Sáraroðið Kerecis á þátt í bata þúsunda einstaklinga um allan heim árlega.