Gagnaforritari
Brennur þú fyrir bættum almenningssamgöngum, gögnum og nýjum tæknilausnum?
Ef svo er mælum við með að þú lesir áfram og alveg til enda :)
Gagnaforritari mun vinna að hönnun, uppbyggingu og rekstri gagnaumhverfis fyrirtækisins, með sérstakri áherslu á Microsoft Azure skýjalausnir. Hlutverkið felur í sér að byggja upp örugga og sjálfvirka gagnainnviði (Data Lake / Data Warehouse) sem styðja bæði hefðbundna viðskiptagreind (BI/mælaborð) og framtíðarnýtingu gagna í gervigreind (AI/ML).
Gagnaforritari tryggir að gögn frá ólíkum kerfum séu aðgengileg, rétt og skipulögð á staðlaðan hátt þannig að þau nýtist beint til ákvarðanatöku innan teymisins sem og sem efniviður inn í mállíkön (LLM), spálíkön og aðrar AI-lausnir.
Þetta er tækifæri til að koma inn í nýtt fyrirtæki (sem þó byggir á áratuga reynslu) og vera hluti af teymi sem er að setja upp nýjar tæknilausnir sem miðast við nútíma þarfir í almenningssamgöngum. Þetta er lifandi umhverfi þar sem við erum að vinna með fjölbreytta gagnastrauma m.a. rauntíma upplýsingum frá hátt í 160 vögnum.
Uppsetning og hönnun gagnainnviða:
-
Hönnun, uppsetning og umsjón með gagnavatni (Data Lake) og/eða gagnavöruhúsi (Data Warehouse).
-
Skipulagning gagnamódela og gagnastrúktúra með tilliti til afkasta og framtíðarsveigjanleika.
Gagnaleiðslur og sjálfvirkni (ETL / ELT):
-
Smíði, prófun og viðhald á sjálfvirkum keyrslum og gagnaleiðslum til að sækja, samræma og hreinsa gögn úr innri og ytri kerfum (t.d. gagnagrunnum, forritaskilum/API og þriðja aðila lausnum).
-
Eftirlit með keyrslum, villuleit, vöktun og afkastabestun gagnastrauma.
Skýrslugerð og mælaborð (BI & Visualization):
-
Hönnun, smíði og viðhald á gagnvirkum mælaborðum og sjónrænum skýrslum (t.d. í Power BI, Tableau, Looker eða sambærilegum tólum).
-
Samstarf við hagsmunaaðila og stjórnendur við að skilgreina lykilmælikvarða (KPI) og tryggja að mælaborð endurspegli réttar og tímabærar upplýsingar.
Gagnagæði og stjórnarhættir:
-
Tryggja áreiðanleika, nákvæmni og öryggi gagna í samræmi við lög um persónuvernd og bestu venjur í upplýsingaöryggi.
-
Skjölun á gagnamódelum, uppruna gagna (data lineage) og helstu vinnuferlum.
Þverfaglegt samstarf:
-
Vinna náið með samstarfsfélögum og vöruþróun við að koma á góðum vinnubrögðum við skráningu og söfnun atburðagagna.
-
Vera ráðgefandi um hvernig nýta megi gögn sem best til að efla vöruþróun og rekstrarstarfsemi.
Menntun og starfsreynsla:
- Umsækjendur þurfa annað hvort að hafa háskólapróf í tölvunarfræði, verkfræði, upplýsingatækni eða sambærileg menntun eða starfsreynslu sem nýtist í starfinu. Ekki er gerð krafa um að hafa hvort tveggja. Verkefni úr námi, lokaverkefni eða sjálfstæð hliðarverkefni (portfolio / GitHub) sem sýna vinnu með gögn eða gervigreind eru mikill kostur.
Nú auðvitað frítt í Strætó ;)
English
Icelandic
