Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

About

Fræðslu- og lýðheilsusvið: Verkefnastjóri gæðamála og skólaþróunar

Skrifstofa fræðslu- og lýðheilsusviðs óskar eftir verkefnastjóra gæðamála og skólaþróunar. Um er að ræða ótímabundið starf í 100% starfshlutfalli og unnið er í dagvinnu. Æskilegt er að viðkomandi geti hafið störf 1. september 2026 eða eftir samkomulagi.

Skrifstofan er stoðdeild á fræðslu- og lýðheilsusviði. Innan hennar er höfð yfirumsjón og eftirlit með rekstrareiningum sviðsins á sviði skólamála, skólaþjónustu, tómstunda-, forvarna- og íþróttastarfs, auk þess sem veitt er ráðgjöf á þeim sviðum.

Verkefnastjóri gæðamála og skólaþróunar hefur yfirumsjón með gæðamálum í leik- og grunnskólum. Veitir stuðning og hefur eftirlit með innra mati leik- og grunnskóla. Hefur yfirumsjón með innritun í leikskóla og málaflokki dagforeldra.

Helstu verkefni og ábyrgð

Veitir stuðning og hefur eftirlit með innra mati leik-, grunn- og tónlistarskóla með heimsóknum og samstarfi við gæðaráð skólanna.
Starfar með stjórnendum og gæðaráðum leik- og grunnskóla að því að uppfylla viðmið menntastefnu Akureyrarbæjar.
Styður við og fylgir eftir gæðamati á forvarnar- og frístundamálum Akureyrarbæjar.
Aðstoðar við að útbúa matstæki vegna innra mats og vistun matstækja á sameiginlegu svæði.
Starfar með verkefnastjórum leik- og grunnskóla og málefna barna og unglinga við þróun skóla- og frístundastarfs.
Styður sviðsstjóra, verkefnastjóra og skólastjórnendur við þróunarverkefni.
Hefur yfirumsjón með innritun og skráningu nemenda í leikskóla Akureyrarbæjar í samstarfi við skólastjóra leikskóla.
Hefur yfirumsjón með málaflokki dagforeldra og stýrir dagforeldrateymi á fræðslu- og lýðheilsusviði. Sinnir heimsóknum og ráðgjöf til dagforeldra.
Aðstoðar við umsóknir á styrkjum til þróunarverkefna.

Menntunar- og hæfniskröfur

Háskólamenntun (B.s., B.a., B.ed.) sem nýtist í starfi.
Leyfisbréf til kennslu er kostur.
Framhaldsmenntun sem nýtist í starfi er æskileg.
Reynsla og/eða þekking af gæðamati og þróunarstarfi æskilegt.
Reynsla og/eða þekking af þróunarstarfi í leik- og/eða grunnskólum kostur.
Reynsla og/eða þekking af þróunarstarfi í frístunda- og tómstundamálum kostur.
Reynsla af starfi innan skólakerfisins og þekking á farsælum starfsháttum kostur.
Þekking á framkvæmd innra mats og umbótum í skólastarfi kostur.
Lausnamiðuð hugsun og metnaður.
Samskiptafærni, sveigjanleiki og víðsýni.
Góð tölvukunnátta og færni í að tileinka sér nýjungar á því sviði.
Góð íslenskukunnátta í ræðu og riti og góð enskukunnátta í riti.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Umsókninni skulu fylgja greinargóðar upplýsingar um störf umsækjanda og menntun ásamt greinargóðum upplýsingum um þau verkefni sem hann hefur unnið að og varpað geta ljósi á færni hans til að sinna starfi verkefnastjóra gæðamála og skólaþróunar.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Ida E. Jensdóttir, forstöðumaður skrifstofu fræðslu- og lýðheilsusviðs, í síma 460-1454 og á [email protected]

Einungis er tekið á móti rafrænum umsóknum.

Umsóknarfrestur er til og með 10. ágúst 2026

Advertisement published28. July 2026

Application deadline10. August 2026

Language skills