Rangárþing Ytra

Rangárþing ytra er fallegt, framsækið og víðfeðmt sveitarfélag í hjarta Suðurlands. Starfsstöð byggingarfulltrúa er á Hellu en þaðan er aðeins um klukkustundarakstur á Höfuðborgarsvæðið. Íbúar sveitarfélagsins eru um 2000 og samfélagið er fjölbreytt og iðandi. Mikil uppbygging er í gangi á svæðinu og t.a.m. er verið að stækka skóla og leikskóla og byggja upp gervigrasvöll og fleiri íþróttamannvirki. Einnig eru að hefjast stórar virkjanaframkvæmdir innan marka sveitarfélagsins sem hafa í för með sér mikla uppbyggingu og umsvif. Í Rangárþingi ytra er fjölbreytt úrval búsetukosta, gott aðgengi að leikskólaplássum og mjög öflugir grunnskólar. Framboð íþrótta, tómstunda og menningarviðburða er gott og tækifæri til útivistar í náttúrunni eru nær óþrjótandi.

About

Verkefnastjóri skrifstofu þjónustumiðstöðvar

Rangárþing ytra auglýsir laust til umsóknar nýtt starf verkefnastjóra skrifstofu þjónustumiðstöðvar.

Þjónustumiðstöð Rangárþings ytra sinnir fjölbreyttum verkefnum sem snúa að rekstri og þjónustu sveitarfélagsins. Þar er lögð áhersla á góða þjónustu, skilvirka stjórnsýslu og öflugt samstarf.

Leitað er að skipulögðum og þjónustulunduðum einstaklingi sem hefur áhuga á fjölbreyttum verkefnum og vill taka þátt í áframhaldandi uppbyggingu ört vaxandi sveitarfélags.

Helstu verkefni og ábyrgð

Umsjón með málakerfi þjónustumiðstöðvar (ONE).
Þjónusta vegna reksturs vatnsveitu.
Reikningagerð fyrir þjónustumiðstöð og skipulags- og byggingaembætti.
Vinnsla almennra umsókna og afgreiðsla erinda.
Skipulag seyrulosunar og samskipti við íbúa og verktaka.
Umsjón með vinnuskóla sveitarfélagsins.
Undirbúningur funda í samstarfi við forstöðumann.
Móttaka og þjónusta við íbúa, símsvörun og samskipti.
Önnur tilfallandi verkefni.

Menntunar- og hæfniskröfur

Menntun sem nýtist í starfi.
Iðn- eða tæknimenntun kostur.
Reynsla af verkefnastjórnun kostur.
Lipurð í mannlegum samskiptum og rík þjónustulund.
Sjálfstæð, skipulögð og öguð vinnubrögð.
Góð tölvukunnátta og rík hæfni til að tileinka sér ný upplýsingakerfi.
Góð íslensku- og enskukunnátta í ræðu og riti.

Starfsstöð er í þjónustumiðstöð Rangárþings ytra að Eyjasandi 2 á Hellu.

Næsti yfirmaður er forstöðumaður þjónustumiðstöðvar.

Umsóknarfrestur er til og með 6. ágúst 2026.

Með umsókn skal fylgja ítarleg ferilskrá á íslensku og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Sótt er um starfið á www.mognum.is

Nánari upplýsingar veita Sigríður Ólafsdóttir; [email protected] og Telma Eiðsdóttir; [email protected]

Advertisement published23. July 2026

Application deadlineNo deadline

Language skills