BSRB

Um er að ræða lifandi og skemmtilegan vinnustað sem leggur áherslu á fjölskylduvænt og öruggt vinnuumhverfi. BSRB, Sameyki, Póstmannafélag Íslands, Landssamband lögreglumanna og Styrktarsjóður BSRB eru með skrifstofur í húsnæðinu ásamt ráðgjöfum frá Virk starfsendurhæfingu. Auk skrifstofuaðstöðu eru fundarsalir, mötuneyti og samkomusalur sem nýtast almennt til námskeiða og funda. Að jafnaði starfa hátt í 50 starfsmenn í BSRB-húsinu.

About

Fjármálastjóri

BSRB leitar að metnaðarfullum og öflugum einstaklingi á sviði fjármála og rekstrar til að taka þátt í spennandi og krefjandi verkefnum á skrifstofu félagsins.

Viðkomandi ber ábyrgð á fjármálum og fjárstýringu fjármuna BSRB og tengdra aðila, fjárhagsáætlunum, eftirliti, samningagerð auk þess að stuðla að rekstur BSRB, sjóða bandalagsins og tengdra aðila sé skilvirkur. Viðkomandi hefur umsjón með gerð þjónustusamninga, ber ábyrgð á upplýsingatæknimálum og hefur umsjón með gerð fjármálaferla.

Um er að ræða tækifæri til að móta stefnu og verklag í fjármálum og rekstri innan stærstu samtaka opinberra starfsmanna á Íslandi. Viðkomandi vinnur náið með næsta yfirmanni sem er framkvæmdastjóri BSRB og öðru starfsfólki bandalagsins.

Helstu verkefni og ábyrgð

Fjármálum og fjárstýring fjármuna BSRB og tengdra aðila.
Gerð fjárhagsáætlana, eftirlit með gerðum samningum fjárhagslegs eðlis og framkvæmd þeirra.
Ábyrgð á upplýsingatæknimálum, þjónustusamningum og samskiptum við þjónustuaðila.
Umsjón með innkaupum.
Umsjón með umbótaverkefnum og endurhönnun fjármálaferla.
Önnur tilfallandi verkefni í samráði við framkvæmdastjóra.

Menntunar- og hæfniskröfur

Háskólapróf á sviði viðskipta, fjármála, endurskoðunar eða rekstrar. Framhaldsmenntun er æskileg
Reynsla af fjármálum, rekstri, reikningshaldi og áætlanagerð.
Hæfni og reynsla í greiningu og framsetningu tölulegra gagna.
Reynsla af samningagerð er kostur.
Þekking og reynsla af notkun stafrænna lausna
Rík samskiptafærni, skipulagshæfileikar og gagnrýnin hugsun.
Reynsla af félaga- og bókhaldskerfi DK er kostur.
Góð íslensku- og enskukunnátta í ræðu og riti.

Hvers vegna BSRB?

Tækifæri til að hafa áhrif á stefnu og þróun rekstrar.
Samstarf í framsýnu umhverfi þar sem fagmennska og samfélagsleg ábyrgð fara saman.
Áskorun og fjölbreytileiki – þú munt fást við verkefni sem skipta máli fyrir þúsundir félagsmanna.

Um BSRB
BSRB eru stærstu samtök opinberra starfsmanna á Íslandi. Aðildarfélög BSRB eru 19 talsins og fjöldi félagsmanna um 25.000. Hjá bandalaginu starfa 10 manns. Hlutverk BSRB er m.a. að þjónusta aðildarfélög bandalagsins og gæta hagsmuna þeirra og félagsmanna þeirra gagnvart atvinnurekendum og stjórnvöldum. Þá er það hlutverk bandalagsins að stuðla að bættu velferðarsamfélagi.

Við hvetjum öll áhugasöm til að sækja um, óháð kyni og uppruna.

Umsóknarfrestur er til og með 23. júní 2025.

Umsókn um starfið þarf að fylgja starfsferilsskrá og kynningarbréf þar sem gerð er grein fyrir áhuga á starfsemi BSRB og hvernig umsækjandi uppfylli hæfniskröfur starfsins.

Umsjón með umsóknum hafa Auður Bjarnadóttir ([email protected]) og Garðar Óli Ágústsson ([email protected]).