Borgarbyggð

Borgarbyggð er fallegt, friðsælt og fjölskylduvænt sveitarfélag á Vesturlandi, í nálægð við allt sem skiptir máli. Við leitum eftir öflugum og drífandi einstaklingum sem sýna metnað og frumkvæði í starfi. Borgarbyggð hefur einsett sér að leggja aukna áherslu á notendamiðaða þjónustuhönnun, tækniframþróun og þjónustu við íbúa og viðskiptavini. Í þeirri vegferð sem er framundan ætlum við að efla þjónustu sveitarfélagsins og vera tilbúin að mæta áskorunum framtíðarinnar. Áhersla verður lögð á þverfaglegt samstarf í verkefnamiðuðu umhverfi og frekari þróun innra starfs sem leiði í senn til framúrskarandi þjónustu og öflugs vinnuumhverfis. Gildi Borgarbyggðar í starfsmannamálum eru: virðing, áreiðanleiki og metnaður sem höfð eru að leiðarsljósi í stefnum og markmiðum í starfi.

About

Aðstoðarforstöðumaður frístundar í Borgarbyggð - GBF-deild

Óskum eftir að ráða metnaðarfullan og áhugasaman einstakling til að starfa sem aðstoðarforstöðumaður frístundar á Hvanneyri, Kleppjárnsreykjum & Varmalandi.

Meginhlutverk frístundaheimila fyrir 6-9 ára börn er að bjóða þeim innihaldsríkt frístundastarf í öruggu umhverfi þar sem við leggjum mikið uppúr lýðræðisþátttöku barna, vinnum í opnu starfi, klúbbum og sértæku hópastarfi. Leiðarljós frístundaheimila er að bjóða öllum börnum þátttöku í fjölbreyttu frístundastarfi án aðgreiningar með það að markmiði að efla sjálfstraust og félagsfærni þeirra. Einnig að bjóða upp á umhverfi sem einkennist af öryggi, fagmennsku og virðingu þar sem jákvæð samskipti og lýðræðislegir starfshættir eru í hávegum hafðir.

Um er að ræða 80% starf og unnið er samkvæmt gæðaviðmiðum í frístundarstarfi.

Starfsmaður þar að hafa bílpróf þar sem um þrjár starfstöðvar er að ræða.

Helstu verkefni og ábyrgð

Skipuleggja, undirbúa og framkvæma frístundastarfið í samráði við þátttakendur og forstöðumann frístundar.
Efla virkni, ábyrgð, sjálfsmynd og sjálfstæði barna á frístundarheimilinu með fjölbreyttum og aldursviðeigandi viðfangsefnum.
Utanumhald yfir skráningar og samskipti við foreldra og aðra sem koma að frístundarstarfinu.
Að veita starfsmönnum leiðsögn um framkvæmd vinnunnar og stuðla að lýðræðislegum starfsháttum og góðum starfsanda.
Skipulag og utanumhald með sumarfjöri sem er leikjanámskeið fyrir börn í 1.-4 bekk ásamt forstöðumanni.
Þátttaka í að móta stefnu og framtíðarsýn frístundar í Borgarbyggð.
Er faglegur leiðtogi og tekur virkan þátt í starfi með börnum á starfstíma frístundaheimilis
Er staðgengill forstöðumanns.

Menntunar- og hæfniskröfur

Menntun á sviði uppeldis, félags- eða tómstundamála eða önnur sambærileg menntun.
Reynsla sem nýtist í starfi
Góð færni í mannlegum samskiptum.
Hreint sakavottorð í samræmi við lög og reglur Borgarbyggðar.
Bílpróf
Góð íslenskukunnátta í mál og riti
Áhugi á að starfa með börnum
Frumkvæði, sjálfstæði og fagmennska í vinnubrögðum.

Viðkomandi þarf að geta hafið störf í ágúst 2025. Áhugasamir einstaklingar, án tillits til kyns eru hvattir til að sækja um. Launakjör samkvæmt gildandi samningum Sambands íslenskra sveitarfélaga og viðkomandi stéttarfélags.

Umsókn skal fylgja náms- og starfsferilskrá ásamt kynningarbréfi.

Öllum umsóknum verður svarað.

Starfssvið: Fjölskyldusvið

Starfshlutfall: 80%

Nánari upplýsingar um starfið veitir Hugrún Hulda Guðjónsdóttir, forstöðumaður frístundamála í Borgarbyggð á [email protected]

Advertisement published30. April 2025

Application deadline13. May 2025

Language skills