A&R fulltrúi / Verkefnastjóri tónlistarútgáfu og markaðsmála

Við hjá Vetur Music leitum að metnaðarfullum og skapandi aðila í stöðu A&R fulltrúa í teymið okkar! Við erum ört stækkandi tónlistarútgáfa á Íslandi, og þurfum því að stækka hópinn til að bregðast við meira umfangi.

Starfslýsing

Við leitum að A&R fulltrúa sem mun vinna náið með tónlistarfólki. Hlutverkið felur í sér að bæði finna nýjar vonarstjörnur og styðja við þær sem eru þegar í hópnum. Starfið felur í sér náið samstarf við listamenn, þróun á þeirra ferli, stuðningur við útgáfu, listræn stjórnun og móta feril listamanna.

Þá fellur einnig undir starfið að sjá um samfélagsmiðla útgáfunnar.

Starfið er lykilhlutverk í fyrirtækinu og kostur ef viðkomandi hefur áhuga á því að taka að sér stærri stjórnunar- og leiðtogahlutverk með fram vexti félagsins.

Við leitum að einstaklingi með reynslu af því að starfa við tónlist, eða í tónlistarbransanum til að hjálpa okkur að byggja upp starfsemi félagins og stuðla að bættu umhverfi tónlistar á Íslandi. Viðkomandi mun starfa náið með stjórnendum og því tækifæri til að geta haft bein áhrif á framtíð tónlistarútgáfunnar.

Þetta hlutverk er fyrir aðila sem hefur brennandi áhuga á því að byggja upp innviði tónlistar á Íslandi, og lætur verkin tala. Mikill sveigjanleiki er á hlutfalli og vinnutíma, og mögulegt að vinna bæði á starfstöð okkar eða í fjarvinnu. Reynsla af markaðsstörfum, verkferlum og útgáfustörfum er kostur en ekki skilyrði.