Slagregnsprófun á ísetningu glugga

Fyrir hverja:

Þetta er námskeið fyrir alla sem setja glugga í steinsteypt hús og þétta með þeim.

Markmið:

Markmið með námskeiðinu er að fræða þátttakendur um gluggaþéttingar og kenna þeim einfalda aðferð til að slagregnsprófa þá.

Á námskeiðinu verður fjallað um:

• Kröfur um eiginleika glugga í íslenskri byggingarreglugerð og merkingu hugtakanna tveggja þrepa þétting, rakaflæði, rakastreymi o.s.frv.
• Framleiðslustýringu í glugga- og hurðaverksmiðju, kröfurnar til að mega CE merkja glugga og hurðir og sýnd dæmi um hættumat í framleiðslunni, verkferla, verklýsingar og gæðaeftirlit. 
• Aðferðafræði við framkvæmd slagregnsprófa á gluggum og hurðum samkvæmt kröfum um CE merkingar og þar með kröfum í byggingarreglugerð.
• Hvernig hægt er með einföldum hætti að gera sambærilegt slagregnspróf á glugga, endanlega frágengnum í vegg á byggingarstað með svipuðum hætti og þegar þéttleiki glugga er prófaður í tilraunastofu. 

Að loknu námskeiði á nemandi að:

• Kunna skil á helstu kröfum sem gerðar eru til glugga í stöðlum og reglugerðum.
• Þekkja grundvallaratriði tveggja þrepa þéttingar og hvernig hún er framkvæmd á byggingarstað.
• Geta slagregnsprófað glugga skv. þeirri aðferðafræði sem kennd er á námskeiðinu.

Annað:

Í lok námskeiðs framkvæma þátttakendur sjálfir próf á þéttleika á gluggaþéttingu.