Iðan fræðslusetur

Hagnýting gervigreindar í iðnaði

Lærðu að nýta ChatGPT og gervigreind til að leysa raunveruleg verkefni á skilvirkari hátt – hvort sem þú ert stjórnandi, starfsmaður eða frumkvöðull.

Fyrir hverja:
Fyrir fagfólk, stjórnendur, frumkvöðla og aðra sem vilja nýta gervigreind og ChatGPT til að hámarka afköst og bæta vinnuferla í atvinnulífinu.

Markmið:
Að þátttakendur öðlist skilning og hagnýta færni í notkun ChatGPT og annarra gervigreindarverkfæra í eigin starfi.

Á námskeiðinu verður fjallað um:

Grunnatriði í virkni gervigreindar og hvernig hún nýtist í iðnaði.
Hagnýtingu ChatGPT í daglegum verkefnum.
Leiðir til að setja upp árangursrík samskipti við gervigreind.
Notkun ChatGPT við texta-, mynd- og talvinnslu.
Dæmi um raunhæf verkefni úr atvinnulífinu.
Algengar villur og hvernig má forðast þær.

Að loknu námskeiði á nemandi að:

Þekkja hvernig ChatGPT og önnur AI-verkfæri virka í grunninn.
Nýta ChatGPT við fjölbreytt verkefni í starfi á árangursríkan hátt.
Beita réttum spurningastíl og nálgun til að hámarka gæði úttaks frá gervigreind.
Meta hvenær og hvernig er best að nota gervigreind í sínum starfsvettvangi.

Aðrar upplýsingar:

Þátttakendur þurfa að hafa með sér fartölvu, spjaldtölvu eða snjallsíma og greidda áskrift að ChatGPT.
Kennt er á íslensku.
Námskeiðið er í boði sem staðnám, hægt er að halda það einnig í fyrirtækjum.
Leiðbeinendur eru sérfræðingar frá Javelin AI, sem hafa sérhæft sig í gervigreindarfræðslu fyrir fyrirtæki frá árinu 2023.