Sveitarfélagið Svalbarðsstrandarhreppur er á Svalbarðsströnd, undir hlíðum Vaðlaheiðar við austanverðan Eyjafjörð. Íbúar eru um 480 og nemendur í Valsárskóla eru um 60 og um 40 í leikskólanum Álfaborg. Nemendum er að fjölga á báðum skólastigum og fjölgunin kallar á breytingar á stjórnun skólans. Um helmingur íbúa býr í þéttbýlinu á miðri ströndinni, Svalbarðseyri. Í þéttbýlinu er grunn- og leikskóli, íþróttaaðstaða, sundlaug og skrifstofa hreppsins. Nábýlið við Akureyri gerir það að verkum að íbúar sækja mikið í þjónustu þangað en samstarf er mikið á milli sveitarfélaganna í nágrenni Svalbarðsstrandarhrepps, öllum til hagsbóta.