STEF eru félagasamtök tón- og textahöfunda á Íslandi.

Hlutverk STEFs er að varðveita og efla höfundarétt á sviði tónlistar.  

STEF innheimtir höfundaréttargjöld fyrir flutning tónlistar þar sem hún er flutt opinberlega fyrir hönd tónhöfunda. Sem dæmi um viðskiptavini STEFs má nefna útvarps- og sjónvarpsstöðvar, tónleikahaldara, verslanir, veitingastaði, hárgreiðslustofur, heilsuræktarstöðvar svo og tónlistarveitur eins og Spotify og YouTube. 

STEF úthlutar síðan höfundaréttartekjum til hlutaðeigandi rétthafa. Úthlutun fer fram á grundvelli upplýsinga um hvaða verk hafa verið flutt, t.d. í útvarpi svo og skráninga verka í gagnagrunn STEFs. 

Í STEF eru skráðir um 9000 höfundar og aðrir rétthafar tónlistar og gagnagrunnur STEFs er með um 100.000 verk. 

