Samherji Fiskeldi hefur verið stórframleiðandi á laxi og bleikju í yfir 20 ár og rekur eingöngu landeldisstöðvar.

Í undirbúningi er ný og glæsileg landeldisstöð sem mun framleiða 40.000 tonn af hágæðalaxi með nýjustu tækni sem völ er á. Staðsetning stöðvarinnar í Auðlindagarðinum á Reykjanesi skapar einstök tækifæri til fullnýtingar orkustrauma m.a. frá jarðvarmavirkjunum. Markmið verkefnisins er að framleiða lax með lágt vistspor með hringrásarhagkerfið að leiðarljósi. Allt framleiðsluferlið verður á sama stað, frá innsetningu hrogna að fullunnum hágæðaafurðum.
