Rimaskóli er heildstæður grunnskóli frá 1. – 10.bekk og eru nemendur rúmlega 500. Skólinn er hjartað í hverfinu og hefur á að skipa glæsilegt húsnæði og skólalóð. Skólinn er þekktur fyrir frábæran árangur í skák og hafa fjölmargir nemendur skólans fengið viðurkenningu á því sviði. Skólinn er að innleiða uppeldi til ábyrgðar og er að vinna með hvernig við berum ábyrgð á eigin hegðun. Skólinn er jafnframt þátttakandi í vinaliðaverkefninu og skipuleggja nemendur leiki og stjórna í frímínútum. Kennarar skólans eru að innleiða leiðsagnarnám og er sífellt verið að skoða hvernig við getum komið betur til móts við ólíka nemendur í fjölbreytilegu samfélagi.