Leikskólinn er þriggja deilda, hér dvelja 70 börn samtímis. Leikskólastjóri er Guðný Sigríður Hallgrímsdóttir, aðstoðarleikskólastjóri er Sigríður Fanney Pálsdóttir. Hún gegnir nú tímabundið stöðu deildarstjóra á Spóalandi.

Leikskólinn Hraunborg tók til starfa haustið 1984. Hann stendur við Hraunberg í Efra- Breiðholti í jaðri Elliðaárdals. Stutt er í skemmtilegar gönguleiðir og opin náttúrusvæði. Í Hraunborg dveljast samtímis sjötíu börn á aldrinum eins til sex ára. Skólastarfið hefst kl. 07:30 og því lýkur kl. 17:00. Boðið er upp á fjögurra til níu tíma vistun.