Hótel Holt hefur verið starfandi í miðbæ Reykjavíkur um árabil og er þekkt fyrir fádæma góða þjónustu og gestrisni, hágæða herbergi, frábæra staðsetningu, og fádæma listasafn sem prýðir hótelið og herbergin. Listasafnið er stærsta listasafn í einkaeigu á Íslandi.

Hótelið er staðsett í Bergstaðarstræti sem býr yfir sjarma gömlu Reykjavíkur og gönguferð á aðal verslunargötur Reykjavíkur tekur aðeins nokkrar mínútur.

Herbergin á hótelinu eru þægileg, hrein og smekklega innréttuð og þar er að finna alls kyns nytsamlegar snyrtivörur fyrir gestina okkar.  Á hótelinu eru nokkrir valkostir þegar kemur að því að bóka gistingu: Við höfum fjórar svítur, átta junior svítur, tuttugu og eitt tveggjamanna herbergi, og átta einstaklings herbergi.

 
