Höldur

Fyrirtækið var stofnað árið 1974, en upphaf Bílaleigu Akureyrar má rekja aftur til ársins 1966. Bílafloti leigunnar er í dag bæði stór og fjölbreyttur og hefur fyrirtækið verið einn umsvifamesti kaupandi nýrra bíla á Íslandi undanfarin ár. Fjöldi útleigustöðva gerir viðskiptavinum okkar hægt um vik að leigja bíl á einum stað og skila á öðrum. Góð þjónusta og sveigjanleiki er okkar aðalsmerki. Bílaleiga Akureyrar er umboðsaðili Europcar bílaleigukeðjunnar á Íslandi. Höfuðstöðvar Hölds eru á Akureyri og þar rekur fyrirtækið einnig öfluga bílaþjónustu. Má þar nefna dekkjaverkstæði ásamt bílaþvottastöð við Glerártorg. Bílasölu með nýja bíla frá Heklu og Öskju, ásamt góðu úrvali af notuðum bílum að Þórsstíg 2. Glæsilegt bíla- og tjónaviðgerðaverkstæði er rekið í 2300 fermetra húsnæði að Þórsstíg 4. Verkstæðið er viðurkenndur viðgerða- og þjónustuaðili fyrir bílaumboðin Heklu, Öskju, Suzuki og Vatt. Auk þess annast verkstæðið viðgerðir á öllum öðrum tegundum bíla. Tjónaviðgerðir eru bæði með CABAS og BGS vottun.