Hnit Artelia

Hnit Artelia er rótgróið fyrirtæki sem hefur verið starfrækt í 55 ár og hefur á þeim tíma veitt alla almenna verkfræðiráðgjöf á sviði mannvirkjagerðar. Árið 2025 varð fyrirtækið hluti af Artelia Group, sem er alþjóðlegt verkfræðifyrirtæki með yfir 11.000 starfsmenn í 40 löndum. Þessi sameining veitir okkur tækifæri til að bjóða upp á fjölbreyttari og víðtækari sérfræðiþekkingu til að takast á við fleiri og stærri verkefni og veitir starfsmönnum okkar spennandi tækifæri. Hjá stofunni starfa nú um 45 manns, verkfræðingar, tæknifræðingar, tækniteiknarar, skrifstofumenn og annað starfslið. Innan Hnits er starfrækt öflugt starfsmannafélag sem stendur fyrir reglulegum viðburðum árið um kring, til að stuðla að samheldni, vináttu og skemmtun meðal starfsliðs.