Blue Car Rental

Bílaleigan Blue Car Rental var stofnuð árið 2010 og er í dag með stærri bílaleigum landsins. Frá stofnun höfum við þjónustað yfir eina milljón ferðamenn sem hafa komið og ferðast hér um allt land á öruggum bíl. Við erum þó miklu meira en bílaleiga. Hjá okkur starfa yfir 100 einstaklingar í mjög fjölbreyttum störfum. Virði Blue Car Rental liggur í mannauðnum þar sem þekking og færni starfsmanna næri yfir afar mörg svið og endurspeglar ferðalag bílsins frá því hann er keyptur, leigður, lagaður og loks seldur. Við horfum á okkur sem gagnadrifin og tæknisinnaðan vinnustað sem leitast eftir því að vera leiðandi á markaði í nýstárlegri hugsun og þjónustu til viðskiptavina. Öll vinnum við að því sameiginlega markmiði að tryggja áhyggjulaust ferðalag og setjum gagnsæi, öryggi og einstaka upplifun okkar viðskiptavina ávallt í forgang. Við vitum hvað þarf til að ná framúrskarandi árangri og sú vinna stoppar aldrei. Samkeppnin á bílaleigumarkaði er mikil og það kallar á orku, sveigjanleika og nýstárlegar hugsanir að leiða á okkar markaði. All flestir samkeppnisaðilar eru að selja sama bílaleigubílinn og því reynir svo sannarlega á að skera sig úr fjöldanum. Það gerum við með stöðugri nýsköpun og þróun á okkar lausnum. Við höfum að fullu fært hið ævaforna afgreiðsluferli bílaleigubíla frá afgreiðsluborði í síma eða tölvu viðskiptavina. Þannig höfum við gjörbylt því hvernig bílar eru afhentir í okkar grein. Við trúum því að við séum með bestu bílaleiguþjónustu sem í boði er, ekki bara á Íslandi heldur í heimi. Við erum leiðandi með því að velta sífellt fyrir okkur breyttum þörfum viðskiptavinarins sem fara stöðugt vaxandi. Við einsetjum okkur að einfalda allt bílaleigu ferlið bæði fyrir viðskiptavini sem og starfsfólk. Einungis þannig næst staðfærsla á gæðunum í okkar þjónustu. Að vera framúrskarandi að öllu leyti er það sem við stefnum á. Áreiðanleiki og traust er það sem við stöndum fyrir og við tryggjum það með stöðugum umbótum á okkar st

Mannauður Blue Car Rental er dýrmætur og liggur árangur fyrirtækisins undir því að fjölbreyttur hópur fólks starfi saman sem ein heild. Öll störf eru mikilvæg til að það gangi upp. Við leggjum áherslu á sterka liðsheild sem birtist í hjálpsemi og góðum samskiptum. Við berum öll ábyrgð að skapa í sameiningu heilbrigt og jákvætt starfsumhverfi sem við erum stolt af.

Okkur þykir gaman að leika og skemmta okkur. Við erum með starfandi starfsmannafélag og innra markaðsteymi sem sér um að skipuleggja ýmsa viðburði og daga til að brjóta upp hversdagsleikann.

Blue Car Rental tekur mið af hæfni og færni einstalinga í þau störf sem bjóðast í fyrirtækinu. Við viljum hafa starfsmannahópinn okkar fjölbreyttan þar sem starfsfólk hefur tækifæri til að færa sig til í starfi innan fyrirtækisins sé kostur á því. Við erum jafnlaunavottað fyrirtæki síðan 2022. Markmiðið er að tryggja öllum kynjum sömu jöfn laun og sömu kjör fyrir jafn verðmæt störf. Starfsfólki skal ekki mismunað vegna kyns, kynhneigðar, ætternis, trúar, þjóðernisuppruna, litarháttar, efnahags, skoðana eða stöðu að öðru leiti.

Við leggjum mikla áherslu á öryggi og heilbrigði starfsfólks. Við erum með starfandi öryggis- og heilbrigðisnefnd sem sér meðal annars um áhættumat á störfum og innri öryggisúttektir. Við erum með forvarnir gegn hvers kyns ofbeldi og áreitni sem birtist í fræðslu og hvatningu til góðra samskipta sem er kannað í starfsánægjukönnunum og í starfsmannaviðtölum.