Ferðaskrifstofan Atlantik er ein af elstu ferðaþjónustufyrirtækjum landsins og hefur verið starfandi í rúmlega 45 ár. 

Starfsemi Atlantik snýr annars vegar að því að veita sérhæfða þjónustu fyrir farþega skemmtiferðaskipa og hins vegar að skipuleggja og sjá um hvataferðir, viðburði, ráðstefnur og sérsniðnar ferðir innanlands fyrir erlenda einstaklinga og hópa. Það er heiður að fá að taka þátt í að búa til sem besta upplifun fyrir gesti sem heimsækja Ísland og starfsfólk Atlantik gerir það af fagmennsku og virðingu í öflugri liðsheild. Frumkvæði og útsjónarsemi eru einnig mikilvæg í öllu okkar starfi.

Atlantik vill ráða til sín hæfileikaríkt starfsfólk til góðra verka, sem sýnir starfi sínu einlægan áhuga og vinnur saman sem ein heild að settum markmiðum, á jákvæðum vinnustað, þar sem allir taka þátt og eru virkir í að móta starfsumhverfið. Frumkvæði, góð samskipti og þjónustulund í starfi eru nauðsynlegir eiginleikar og jafnframt eflum við metnað starfsmanna til þess að takast á við krefjandi og þroskandi verkefni við þjónustu við ferðamenn.
