Вакансії Talent Pool Робочі місця Освіта

Íslandsstofa

Íslandsstofa er samstarfsvettvangur atvinnulífsins og stjórnvalda og hefur það hlutverk að auka gjaldeyristekjur þjóðarinnar með þróttmiklu starfi í þágu íslenskra útflutningsgreina. Með faglegu kynningarstarfi og samræmdum skilaboðum vekjum við áhuga á íslenskum vörum og þjónustu á erlendri grundu og kynnum Ísland sem ákjósanlegan áfangastað erlendra ferðamanna og vænlegum kosti fyrir beina erlenda fjárfestingu. Með fræðslu og ráðgjöf eflum við samkeppnishæfni íslenskra fyrirtækja og búum þau undir sókn á erlenda markaði. Í samstarfi við miðstöðvar skapandi greina vekjum við athygli á íslenskri menningu og listum og styðjum við kynningu á þeim erlendis

Про

Viðskiptastjóri ferðaþjónustu

Íslandsstofa leitar að öflugum viðskiptastjóra til að styðja íslensk ferðaþjónustufyrirtæki í sókn á erlenda markaði. Starfið heyrir undir svið útflutnings og fjárfestinga.
Viðskiptastjóri ferðaþjónustu vinnur náið með íslenskum ferðaþjónustufyrirtækjum að því að efla viðskiptatengsl þeirra og skapa ný tækifæri á alþjóðlegum mörkuðum. Starfið felur meðal annars í sér að greina markaðstækifæri, byggja upp alþjóðleg tengsl, tengja íslensk fyrirtæki við erlenda samstarfsaðila og styðja við markaðssókn þeirra.
Áhersla starfsins er á fjarmarkaði, einkum í Asíu. Viðskiptastjóri ber ábyrgð á þróun og framkvæmd viðskipta- og kynningarverkefna á sínum mörkuðum, meðal annars þátttöku í alþjóðlegum ferðakaupstefnum og skipulagningu viðskiptaviðburða. Starfið felur í sér náið samstarf við fyrirtæki, hagaðila og alþjóðlegt tengslanet Íslandsstofu.

Helstu verkefni og ábyrgð

Veita íslenskum ferðaþjónustufyrirtækjum þjónustu og stuðning í alþjóðlegri markaðssókn.
Byggja upp og viðhalda öflugum tengslum við íslensk fyrirtæki, erlenda ferðaheildsala og aðra mikilvæga samstarfsaðila.
Greina tækifæri á erlendum mörkuðum og byggja upp þekkingu og tengslanet á lykilmörkuðum.
Þróa og framkvæma viðskipta- og kynningarverkefni í samstarfi við fyrirtæki, samstarfsfólk og hagaðila.
Stýra undirbúningi, framkvæmd og eftirfylgni viðskiptaviðburða, vinnustofa og þátttöku í alþjóðlegum ferðakaupstefnum.
Kynna Ísland sem áfangastað og miðla upplýsingum um íslenska ferðaþjónustu til erlendra samstarfsaðila.
Vinna náið með ferðaþjónustuteymi Íslandsstofu, viðskiptafulltrúum erlendis og öðrum samstarfsaðilum.
Fylgja eftir verkefnum, meta árangur og miðla þekkingu um þarfir fyrirtækja, markaði og tækifæri.

Menntunar- og hæfniskröfur

Háskólamenntun sem nýtist í starfi.
Góð þekking á íslenskri ferðaþjónustu og alþjóðlegu viðskiptaumhverfi.
Reynsla af verkefnastjórnun, markaðsstarfi, viðskiptaþróun eða alþjóðlegu samstarfi.
Hæfni til að byggja upp tengsl og vinna með fjölbreyttum fyrirtækjum og samstarfsaðilum.
Mjög góð íslensku- og enskukunnátta og hæfni til að miðla efni skýrt í ræðu og riti á báðum tungumálum.
Reynsla af kynningum og framkomu fyrir hópa.
Öflug samskipta- og samstarfshæfni, þjónustulund og frumkvæði.
Skipulögð og sjálfstæð vinnubrögð, góð eftirfylgni og metnaður til að ná árangri.
Alþjóðleg reynsla, menningarlæsi og þekking á mörkuðum í Asíu er kostur.

Starfinu fylgja ferðalög erlendis.

Íslandsstofa er samstarfsvettvangur atvinnulífs og stjórnvalda. Íslandsstofa sinnir mörkun og markaðssetningu fyrir Ísland og íslenskar útflutningsgreinar, styður íslensk fyrirtæki í sókn á erlenda markaði og greiðir götu erlendrar fjárfestingar í íslensku atvinnulífi.
Framtíðarsýn langtímastefnu fyrir íslenskan útflutning er að Ísland verði þekkt sem leiðandi land á sviði sjálfbærni.

Реклама створена 31. October 2026

Кінцевий термін подання заявки10. November 2026

Мовні вимоги