Laus störf Hæfnileit Vinnustaðir Námskeið

Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Vinnustaðurinn

Yfirþroskaþjálfi hjá Vallaskóla

Hjá Vallaskóla er laus staða yfirþroskaþjálfa í 100% stöðu.

Á skólaárinu 2021-2022 er reiknað með að nemendafjöldi skólans verði 610 nemendur í 1.-10. bekk og starfsmenn um 100 talsins, sjá www.vallaskoli.is.

Í skólanum er lögð áhersla á teymiskennslu, teymisvinnu, fjölbreytta kennsluhætti og jákvæðan skólabrag.

Menntunar- og hæfniskröfur

Gerð er krafa um háskólamenntun á sviði þroskaþjálfunar og starfsleyfi til að starfa sem slíkur.

Frumkvæði, skipulagshæfileikar og sjálfstæð vinnubrögð

Reynsla af teymisvinnu

Hæfni og áhugi á grunnskólastarfi

Góð færni í mannlegum samskiptum

Hæfni til að tjá sig í ræðu og riti á íslensku

Helstu verkefni og ábyrgð

Að annast kennslu samkvæmt megin markmiðum aðalnámskrá grunnskóla með hliðsjón af þörfum og þroska nemenda

Að fylgjast með velferð nemenda, hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklinga

Að taka þátt í skólaþróun í samræmi við stefnu skóla og sveitarfélags

Nánari upplýsingar

Í Sveitarfélaginu Árborg búa rúmlega 10 þúsund manns og lögð er áhersla á öflugt skóla- og frístundastarf og góða velferðarþjónustu. Skólar og aðrar deildir fjölskyldusviðs vinna að því að styrkja heildstæða nærþjónustu við börn, foreldra og skóla. Áhersla er lögð á snemmtækan stuðning, góð tengsl skóla og skólastiga og skólaþróunarverkefni sem unnin eru í anda lærdómssamfélagsins.

Umsóknarfrestur er til og með 10. maí. Ráðið verður í starfið frá og með 1. ágúst 2021.

Laun eru samkvæmt kjarasamningi Sambands íslenskra sveitarfélaga og Kennarasambands Íslands.

Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins.

Nánari upplýsingar um starfið veitir: Guðbjartur Ólason skólastjóri - [email protected] eða í síma 4805800.

Auglýsing birt23. apríl 2021

Umsóknarfrestur10. maí 2021

Tungumálahæfni

Engar sérstakar tungumálakröfur

Staðsetning

Sólvellir 3, 800 Selfoss

Starfstegund

Hæfni