VR á Selfossi - þjónustusvið

Hefur þú gaman af því að taka vel á móti fólki, aðstoða, upplýsa og leiðbeina? Ert þú góð tungumálamanneskja og tölvufær? VR óskar eftir að ráða einstakling á skrifstofu félagsins á Selfossi.

Helstu verkefni felast í þjónustu við félagsfólk okkar í gegnum síma, netspjall og tölvupóst. Samskiptin fara fram á íslensku og ensku. Um er að ræða 100% starf og er vinnutíminn frá klukkan 8:30-16:00 alla virka daga.

Við leitum að einstaklingi sem er afar fær í að tala og skrifa bæði íslensku og ensku. Viðkomandi þarf að hafa reynslu af og njóta þess að vera í þjónustu, hafa jákvætt viðmót, vera lausnamiðaður og búa yfir góðri samskiptahæfni. Eins er mikilvægt að búa yfir góðri tölvufærni og reynslu af notkun helstu tölvuforrita.

VR er stærsta stéttarfélag landsins með rúmlega 40.000 félaga. Skrifstofur félagsins eru á Akranesi, Suðurnesjum, Selfossi, Egilsstöðum, í Reykjavík og Vestmannaeyjum.

Umsóknir sendist til Þórarins Þórssonar, sviðsstjóra þjónustusviðs, á netfangið [email protected]. Umsóknarfrestur er til og með 14. maí nk.