Alfreð

Alfreð er hugbúnaðar- og þjónustufyrirtæki sem þróar snjallar lausnir til að tengja saman fólk og fyrirtæki. Alfreð ehf. tók til starfa árið 2013 og umbylti á örfáum árum markaði fyrir atvinnuauglýsingar á Íslandi. Vinsældir Alfreðs halda samt alltaf áfram að aukast enda er okkar starf drifið af stöðugri nýsköpun. Höfuðstöðvar okkar eru í Reykjavík en auk þess er Alfreð með skrifstofu í Prag. Fyrir utan Ísland og Tékkland er okkur einnig að finna á Möltu og í Færeyjum og ætla má að vinaþjóðum Alfreðs fjölgi á næstu árum.

Vinnustaðurinn

Vöruþróunarstjóri/CPO

Alfreð leitar að drífandi reynslubolta til að leiða vörustýringu og viðskiptaþróun fyrirtækisins á Íslandi sem og á markaðssvæðum erlendis. Staða vöruþróunarstjóra heyrir beint undir framkvæmdastjóra og felur í sér náið samstarf við stjórnendur og sérleyfishafa Alfreðs í Evrópu.

Alfreð er vaxandi hugbúnaðar- og þjónustufyrirtæki með góða ímynd og sterka stöðu. Vöruþróunarstjóri Alfreðs fær því einstakt tækifæri til að setja mark sitt á framtíðina sem lifandi hluti af alþjóðlegu fyrirtæki.

Við hjá Alfreð notum HEST, skammstöfun fyrir gildin okkar, til að ná settu marki: Hagkvæmni, einfaldleiki, sköpunargleði og traust. Þessi gildi eru okkar þarfasti þjónn í að samstilla aðgerðir og vöruþróunarstjóri ber ábyrgð á því að vöruþróun og viðskiptaáætlanir séu í þeim anda.

Helstu verkefni og ábyrgð

Ábyrgð og yfirstjórn vöru- og viðskiptaþróunar

Mótun framtíðarsýnar fyrir núverandi og nýjar vörur

Greining tækifæra á markaði

Umsjón með þróun og innleiðingu nýjunga

Þarfagreining, hugmyndavinna og notendarannsóknir

Gerð og eftirfylgni vegvísa (e. roadmaps)

Gerð og eftirfylgni verklýsinga (e. user stories)

Vinna með hönnuðum, forriturum og öðrum sérfræðingum

Samskipti við viðskiptavini, samstarfsaðila og sérleyfishafa

Menntunar- og hæfniskröfur

Starfsreynsla eða menntun sem nýtist í starfi

Árangursrík reynsla af vörustýringu hugbúnaðarlausna og viðskiptaþróun

Reynsla af gerð og eftirfylgni vegvísa (e. roadmaps)

Reynsla af gerð og eftirfylgni verklýsinga (e. user stories)

Reynsla af þróun alþjóðlegra hugbúnaðarlausna er kostur

Frumkvæði og metnaður til að ná árangri í starfi

Framúrskarandi samskiptahæfni

Lausnamiðaður hugsunarháttur

Mjög góð enskukunnátta

Höfuðstöðvar Alfreðs eru í Kópavogi en auk þess starfrækir Alfreð skrifstofu í Tékklandi ásamt því að vinna með sérleyfishöfum í Færeyjum og á Möltu. Fyrirhugað er að fleiri markaðssvæði og nýjar vörur bætist við á komandi misserum.

Alfreð er litríkur hópur einstaklinga með fjölbreytta reynslu og hæfileika. Við erum öflug liðsheild sem brennur fyrir að leysa krefjandi verkefni á hverjum degi. Við viljum að öllum líði vel í vinnunni og sýnum hvert öðru virðingu og umhyggju.

Umsókn skal fylgja ferilskrá og kynningarbréf þar sem gerð er grein fyrir ástæðum umsóknar, árangri sem viðkomandi hefur náð og telur að nýtist í starfi og hvernig umsækjandi uppfyllir hæfniskröfur. Nánari upplýsingar um starfið veitir Anna Katrín Halldórsdóttir framkvæmdastjóri Alfreðs á anna@alfred.is.

Auglýsing stofnuð12. maí 2023

Umsóknarfrestur29. maí 2023

Starfstegund

Staðsetning

Akralind 8, 201 Kópavogur

Tungumálakunnátta