Vöruþróun og framleiðsla ferða á utanlandssviði
Bændaferðir, utanlandssvið Ferðaþjónustu bænda hf. leitar að öflugum og reynslumiklum einstaklingi í 100% starf á skrifstofu okkar í Síðumúla. Við leitum að einstaklingi sem hefur reynslu af ferðaþjónustu og framleiðslu ferða, er skipulagður og nákvæmur og hefur brennandi áhuga á að taka virkan þátt í þróun nýrra ferða og ferðavara. Við leitum því að fjölhæfum einstaklingi sem vill taka þátt í þessari vegferð með okkur. Starfið snýr bæði að daglegri bakvinnslu og utanumhaldi ferða sem þegar eru í sölu og að þróun nýrra ferða og ferðavara til framtíðar.
- Þátttaka í þróun nýrra ferða og ferðavara.
- Vinna við uppsetningu og framleiðslu ferða, frá hugmynd að tilbúinni vöru.
- Samskipti og eftirfylgni við erlenda samstarfsaðila og þjónustuaðila.
- Gerð og uppfærsla vinnuskjala og annarra gagna fyrir ferðir.
- Söfnun og miðlun upplýsinga um dagskrá, þjónustu, hótel, samgöngur og aðra þætti ferða.
- Eftirfylgni með ferðum fyrir brottför og tryggja að upplýsingar og gögn séu rétt og fullnægjandi.
- Vinna með bókunar-, sölu- og upplýsingakerfi fyrirtækisins.
- Þátttaka í innleiðingu nýrra kerfa og þróun vinnuferla.
- Náið samstarf við sölu-, þjónustu- og framleiðsluteymið.
- Önnur fjölbreytt verkefni sem tengjast rekstri ferða og þróun ferðaframboðs.
Við leitum að einstaklingi sem
• hefur reynslu af ferðaþjónustu og helst af framleiðslu eða skipulagningu ferða
• hefur gott auga fyrir smáatriðum og leggur metnað í nákvæm og vönduð vinnubrögð
• er skipulagður og á auðvelt með að halda utan um mörg verkefni samtímis
• hefur frumkvæði og áhuga á að þróa nýjar hugmyndir og koma þeim í framkvæmd
• er lausnamiðaður og sveigjanlegur og á auðvelt með að bregðast við breytingum
• getur unnið sjálfstætt en nýtur þess jafnframt að vinna náið með öðrum
• er óhræddur við tækni og hefur áhuga á að tileinka sér ný kerfi og vinnubrögð
• hefur góða tölvukunnáttu og er öruggur notandi Microsoft Office, sérstaklega Word og Excel
• hefur mjög gott vald á íslensku og ensku, bæði í ræðu og riti
• hefur brennandi áhuga á ferðalögum, áfangastöðum og þróun nýrra ferðavara
Reynsla af bókunarkerfum eða öðrum kerfum í ferðaþjónustu, gerð ferðagagna og samskiptum við erlenda þjónustuaðila, er mikill kostur.
Enska
Íslenska
