Viltu segja sögurnar sem skipta máli?

Orkuveitan leitar að skapandi samfélagsmiðlastjóra, tímabundið í eitt ár.

Þetta er ekki bara starf. Þetta er tækifæri til að segja sögur um orku, nýsköpun og framtíðina.

Við erum að byggja upp innviði samfélagsins, þróa lausnir í loftslagsmálum og vinna að verkefnum sem hafa raunveruleg áhrif – hér heima og á heimsvísu.

Og við þurfum einhvern sem getur sagt frá því á lifandi, áhugaverðan og nútímalegan hátt.

Hvað myndir þú gera?

• Búa til efni sem fólk vill sjá (og deila)
• Fanga sögur úr daglegu starfi og breyta þeim í áhugavert efni
• Keyra samfélagsmiðla fyrir nokkur af sterkustu vörumerkjum landsins
• Prófa nýjar leiðir, nýjar hugmyndir og nýja miðla
• Sjá hvað virkar og gera meira af því

Af hverju þetta starf?

Þú færð:

• Aðgang að verkefnum sem eru stór og áhugaverð
• Teymi sem er metnaðarfullt, skapandi og styður við þig
• Svigrúm til að prófa, skapa og hafa áhrif
• Innsýn í framtíð orkumála, tækni og samfélags
• Að vera hluti af frábærum vinnustað í heilbrigðu vinnuumhverfi

Við erum aflvaki sjálfbærrar framtíðar og sögurnar eru margar.

Hver ert þú?

Þú þarft ekki að passa í kassa.

En þú ert líklega:

• Með tilfinningu fyrir góðu, áhugaverður og fallegu efni
• Áttar þig á hvað virkar á samfélagsmiðlum
• Vinnur sjálfstætt og færð frábærar hugmyndir sem þú hrindir í framkvæmd
• Til í að fara á vettvang, taka myndir, klippa og skrifa
• Elskar að tala við og kynnast fólki, þú sýnir fólki raunverulegan áhuga

Viðkomandi starf er á Samskiptasviði Orkuveitunnar sem vinnur með vörumerki Orkuveitunnar og fyrirtækja hennar; Orku náttúrunnar, Veitur, Carbfix og Ljósleiðarann auk þess sem við rekum áfangastaðinn Elliðaárstöð í Elliðaárdal og Jarðhitasýninguna á Hellisheiði.