Laus störf Hæfnileit Vinnustaðir Námskeið

Náttúruverndarstofnun

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar og sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Vinnustaðurinn

Viltu leiða náttúruvernd á Norðurlandi?

Umdæmisstjóri og þjóðgarðsvörður

Náttúruverndarstofnun leitar að öflugum leiðtoga í starf umdæmisstjóra náttúruverndarsvæða á Norðurlandi og þjóðgarðsvarðar á norðurhálendi Vatnajökulsþjóðgarðs.
Í umdæminu eru nokkrar af stórbrotnustu náttúruperlum landsins, meðal annars Askja og Herðubreiðarlindir í Vatnajökulsþjóðgarði ásamt Mývatni, Laxá og Goðafossi og önnur friðlýst svæði á Norðurlandi.
Umdæmisstjóri/þjóðgarðsvörður ber ábyrgð á daglegum rekstri umdæmisins, rekstri gestastofu á Gíg, stýringu starfsfólks, stefnumótun og þróun svæðanna. Meginmarkmið starfssins er að tryggja verndargildi svæðanna til framtíðar samhliða því að stuðla að góðri upplifun gesta.
Starfið felur í sér víðtækt samstarf við starfsfólk stofnunarinnar, sveitarfélög, nærsamfélag og aðra hagaðila. Umdæmisstjóri/þjóðgarðsvörður er hluti af stjórnendateymi Náttúruverndarstofnunar og vinnur náið með öðrum umdæmisstjórum að sameiginlegum markmiðum stofnunarinnar.
Við leitum að einstaklingi með leiðtogahæfni, frumkvæði og metnað til að þróa starfsemina og efla samstarf. Um er að ræða fjölbreytt, sjálfstætt og krefjandi stjórnunarstarf þar sem tækifæri gefst til að láta gott af sér leiða í þágu náttúruverndar.

Starfsstöð er í Gíg á Skútustöðum í Mývatnssveit.

Helstu verkefni og ábyrgð

Forysta og ábyrgð á starfsemi og rekstri umdæmisins, þar með talið norðurhálendi Vatnajökulsþjóðgarðs
Stjórnun starfsfólks, mannauðsmál og uppbygging öflugs teymis
Fjárhagsáætlunargerð, rekstrarstýring og eftirfylgni
Stefnumótun og þróun friðlýstra svæða með áherslu á náttúruvernd
Ábyrgð á uppbyggingu og viðhaldi innviða á áfangastöðum
Samstarf við sveitarfélög, nærsamfélag og aðra hagaðila
Þátttaka í þverfaglegu samstarfi og þróun starfsemi Náttúruverndarstofnunar

Menntunar- og hæfniskröfur

Háskólamenntun sem nýtist í starfi
Framúrskarandi samskipta- og samstarfsfærni
Leiðtogahæfileikar
Reynsla af stjórnun og rekstri æskileg
Frumkvæði og sjálfstæði í starfi
Áhugi og þekking á náttúruvernd og umhverfismálum
Þekking á viðkomandi landssvæði er kostur
Þekking á starfsemi friðlýstra svæða er kostur
Þekking á stjórnsýslu er kostur
Gott vald á íslensku og ensku

Umsókn skal fylgja ferilskrá og kynningarbréf þar sem umsækjandi gerir grein fyrir hæfni sinni og áhuga á starfinu. Við hvetjum öll áhugasöm til að sækja um óháð kyni og uppruna. Öllum umsóknum verður svarað þegar ákvörðun um ráðningu hefur verið tekin.

Umsóknarfrestur er til og með 19. nóvember 2026.

Nánari upplýsingar veita:
Inga Dóra Hrólfsdóttir, sviðsstjóri sviðs friðlýstra svæða, [email protected] Margrét Jóna Ísólfsdóttir, mannauðsstjóri, [email protected]

Um Náttúruverndarstofnun

Náttúruverndarstofnun hefur víðtækt hlutverk í náttúruvernd, sjálfbærri þróun og vernd friðlýstra svæða, ásamt umsjón með villtum dýrum og veiðistjórnun. Markmið stofnunarinnar er að tryggja að náttúra Íslands njóti verndar til framtíðar. Hjá Náttúruverndarstofnun starfar samheldinn hópur fólks með fjölbreytta menntun og reynslu sem vinnur að sameiginlegu markmiði um vernd og ábyrga nýtingu náttúru Íslands. Starfsstöðvar stofnunarinnar eru 16 talsins víðs vegar um landið.

Auglýsing birt9. nóvember 2026

Umsóknarfrestur23. nóvember 2026

Tungumálahæfni