Laus störf Hæfnileit Vinnustaðir Námskeið

Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og fjórar skrifstofur sem starfa þvert á sviðin, skrifstofa umbóta og þróunar, skrifstofa þjónustu, skrifstofa mannauðs- og kjaramála og skrifstofa áhættu- og fjárstýringar. Öll störf hjá bænum falla undir eitt af þessum sviðum eða skrifstofum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Verkefnastjóri Virkni og vellíðan

Virkni og vellíðan er verkefni á vegum Kópavogsbæjar sem miðar að heilsueflingu fyrir 60 ára og eldri í sveitarfélaginu. Þátttakendur í verkefninu Virkni og vellíðan fá tækifæri á því að stunda hreyfingu í því félagi sem stendur næst heimili þeirra í Kópavogi. Okkar helsta markmið er það að stuðla að bættri líkamlegri, andlegri og félagslegri heilsu bæjarbúa í Kópavogi og stuða jafnframt að farsælli öldrun.

Verkefnastjóri þjálfar, stýrir og heldur utan um verkefnið með áherslu á félagsmiðstöðvar eldra fólks í Kópavogi. Viðkomandi heldur utan um hreyfiframboð í félagsmiðstöðvum Kópavogs og er tengiliður Virkni og vellíðan við þær. Verkefnastjóri starfar náið með öðrum verkefnastjórum Virkni og vellíðan og hjálpar til við ýmis verkefni og viðburði á vegum verkefnisins.

Helstu verkefni og ábyrgð

Aðstoðar við sameiginleg verkefni Virkni og vellíðan um heilsueflingu eldri borgara í Kópavogi
Þjálfar þátttakendur í íþróttahúsunum sem og félagsmiðstöðvunum fyrir hádegi alla virka daga
Ber ábyrgð á að fylgt sé eftir stefnum Kópavogsbæjar er snúa að lýðheilsu og heilsueflingu íbúa í sveitarfélaginu
Ber ábyrgð í samstarfi við aðra verkefnastjóra Virkni og Vellíðan á skipulagi, utanumhaldi og almennri þjálfun í verkefninu
Útbýr og skipuleggur þjálfunar- og markaðsáætlun fyrir verkefnið í samráði við deildarstjóra íþróttadeildar og sviðsstjóra menntasviðs
Ber ábyrgð á skipulagningu og framkvæmd á dagskrá í félagsmiðstöðvum eldri borgara, verkefna og viðburða Virkni og vellíðan
Tekur þátt í verkefnum og stuðningi við forvarnir tengt áætlunum bæjarins um lýðheilsu og heilsueflingu íbúa í Kópavogi
Tekur þátt í mælingum á þátttakendum Virkni og vellíðan í samráði við þá fagaðila bæði innan og utan sveitarfélagsins sem framkvæma mælingarnar
Tekur þátt í fræðslu og þjálfun til íbúa í Kópavogi
Ber ábyrgð á valæfingum í Virkni og vellíðan í samstarfi við aðra verkefnastjóra og kemur á heildrænni nálgun hvað varðar hreyfiframboð fyrir aldurshópinn 60 ára og eldri í Kópavogi
Situr samráðsfundi með starfsfólki mennta- og velferðasviðs og íþróttafélaga í Kópavogi
Vinnur í góðri samvinnu við þær félagsmiðstöðvar sem samkomulag er við um þróun og framkvæmd verkefnisins Virkni og vellíðan
Stuðlar að jákvæðri ímynd verkefnisins Virkni og vellíðan fyrir bæjarbúum og/eða öðrum hagsmunaaðilum verkefnisins
Sinnir öðrum verkefnum sem yfirmaður felur verkefnastjóra og fellur innan starfssviðs

Menntunar- og hæfniskröfur

Háskólamenntun á sviði íþrótta- og heilsu- eða lýðheilsufræða
Framhaldsmenntun sem nýtist í starfi kostur
Reynsla af þjálfun eldra fólks
Færni til að tjá sig bæði í ræðu og riti
Reynsla og þekking á úrvinnslu og framsetningu tölfræðilegra gagna æskileg
Góð tölvukunnátta
Góð hæfni í mannlegum samskiptum
Frumkvæði, skipulagsfærni og sjálfstæði í vinnubrögðum
Góð íslenskukunnátta

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

36 klukkustunda vinnuvika.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Allir einstaklingar sem ráðnir eru á menntasvið Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Tekið verður mið af jafnréttisstefnu Kópavogsbæjar við ráðningu í starfið.

Umsóknarfrestur er til og með 8. apríl 2026.

Nánari upplýsingar veitir Gunnar Guðmundsson, deildarstjóri íþróttadeildar Kópavogsbæjar í netfanginu [email protected] eða í síma 441 0000.

Tekið er við umsóknum í gegnum ráðningarvef Alfreðs.

Auglýsing birt25. mars 2026

Umsóknarfrestur8. apríl 2026

Tungumálahæfni