SASS og Orkídea

Samband sunnlenskra sveitarfélaga er samstarfsvettvangur sveitarfélaga á Suðurlandi þar sem unnið er að sameiginlegum verkefnum byggðaþróunar sem miða að því að skapa betra umhverfi fyrir sveitarfélög, atvinnulíf og íbúa. Orkídea samstarfsverkefni greiðir leið hringrásarhagkerfis og orkukræfrar nýsköpunar í matvælaframleiðslu og líftækni á Suðurlandi.

Vinnustaðurinn

VERKEFNASTJÓRI MIÐLUNAR

Samband sunnlenskra sveitarfélaga (SASS) og Orkídea samstarfsverkefni leita að lausnamiðuðum og skapandi verkefnastjóra miðlunar til starfa.

Ráðið er í starfið til 2ja ára með möguleika á framlengingu.

Viðkomandi mun vinna þvert á svið og verkefni og sinna m.a. heimasíðum, efnisgerð og upplýsingamiðlun fyrir SASS, Orkídeu og eftir atvikum önnur félög í eigu eða umsjón SASS.

Starfið krefst frumkvæðis, sjálfstæðis og góðrar hæfni í samskiptum, þar sem verkefnin eru unnin í nánu samstarfi við sveitarfélög, stofnanir og atvinnulíf á Suðurlandi.

Helstu verkefni og ábyrgð

Umsjón og þróun heimasíðna og samfélagsmiðla
Efnis- og textagerð fyrir vefi og samfélagsmiðla, á íslensku og ensku
Ritstýring, fréttir, blogg og viðtöl
Þróun og uppsetning fréttabréfa, skýrslna og annars kynningarefnis
Aðstoð og samhæfing í miðlunar- og upplýsingaverkefnum
Almenn samskipti við fjölmiðla, samstarfsaðila, íbúa og hagsmunaaðila
Markaðssetning á Suðurlandi
Ýmis önnur verkefni í samráði við stjórnendur

Menntunar- og hæfniskröfur

Háskólamenntun og reynsla sem nýtist í starfi, t.d. á sviði miðlunar, markaðssetningar, íslensku eða blaðamennsku
Reynsla og hæfni í textaskrifum er skilyrði
Mjög gott vald á íslensku og ensku, bæði í rituðu og töluðu máli
Þekking á stafrænum miðlum og vefkerfum
Góð tölvukunnátta og aðlögunarhæfni
Geta til að vinna sjálfstætt og sýna frumkvæði.
Lausnamiðuð hugsun, snerpa og færni til að vera með ”puttann á púlsinum”
Þjónustulund og rík færni til samstarfs og samskipta
Góðar tengingar við sveitarstjórnir og fyrirtæki á Suðurlandi er kostur
Búseta á Suðurlandi er mikill kostur