Laus störf Hæfnileit Vinnustaðir Námskeið

Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Vinnustaðurinn

Verkefnastjóri í mannauðs- og launadeild Akraneskaupstaðar

Við leitum að öflugum og metnaðarfullum verkefnastjóra til starfa í mannauðs- og launadeild Akraneskaupstaðar. Starfið hentar einstaklingi sem blómstrar í krefjandi og fjölbreyttu umhverfi þar sem nákvæmni, þjónustulund og fagmennska eru lykilatriði.

Um er að ræða stöðu innan fjármála- og þjónustusviðs þar sem áhersla er lögð á fagmennsku, þróun og öfluga þjónustu við stjórnendur og starfsfólk.

Viðkomandi gegnir mikilvægu hlutverki í uppbyggingu og þróun mannauðs- og kjaramála hjá sveitarfélaginu, með sérstaka áherslu á launavinnslu, kjarasamninga og greiningar.

Akraneskaupstaður er á spennandi vegferð þar sem unnið er markvisst að samþættingu mannauðs- og launamála og innleiðingu nýrra stafrænna lausna.

Helstu verkefni og ábyrgð

Umsjón með og þátttaka í launavinnslu og kjaramálum
Ráðgjöf til stjórnenda og starfsfólks um mannauðs- og kjaramál
Túlkun og eftirfylgni kjarasamninga
Þróun og umbætur á verkferlum í mannauðs- og launamálum
Þátttaka í innleiðingu og þróun mannauðs- og launakerfa
Úrvinnsla og greining gagna um mannauð og laun
Þátttaka í jafnlaunakerfi og öðrum gæðakerfum
Verkefnastjórnun í þróunar- og umbótaverkefnum
Verkefni sem snúa að vinnuvernd og viðverustjórnun
Þátttaka í fræðslu og miðlun upplýsinga til stjórnenda og starfsfólks

Menntunar- og hæfniskröfur

Háskólapróf í mannauðsstjórnun eða sambærilegt
Traust reynsla af launavinnslu og góð þekking á kjarasamningum er skilyrði
Reynsla af störfum í mannauðsmálum er kostur
Góð greiningarhæfni og færni í að vinna með gögn
Þekking á mannauðs- og launakerfum er kostur
Sjálfstæð og skipulögð vinnubrögð
Framúrskarandi samskiptahæfni og þjónustulund

Við bjóðum

Áhugavert og krefjandi starf í öflugu teymi
Tækifæri til að hafa raunveruleg áhrif á þróun mannauðs- og kjaramála
Sveigjanlegt og styðjandi starfsumhverfi
Fjölbreytt verkefni og góð tækifæri til faglegrar þróunar

Um mannauðs- og launadeild

Mannauðs- og launadeild Akraneskaupstaðar sinnir lykilhlutverki í rekstri sveitarfélagsins og styður við stjórnendur og starfsfólk í mannauðs-, launa- og kjaramálum. Deildin vinnur markvisst að þróun ferla, greiningu gagna og innleiðingu stafrænna lausna til að efla þjónustu og skilvirkni. Mannauðs- og launadeild heyrir undir mannauðsstjóra.

Nánari upplýsingar um starfið veitir Harpa Hallsdóttir, mannauðsstjóri, á netfangið [email protected] eða í síma 433-1000.

Umsóknum skulu fylgja ítarleg náms- og starfsferilsskrá, ásamt kynningarbréfi þar sem gerð er grein fyrir áhuga á starfinu og hæfni til að sinna því.

Launakjör eru samkvæmt gildandi samningum Sambands íslenskra sveitarfélaga við viðkomandi stéttarfélag.

Auglýsing birt14. apríl 2026

Umsóknarfrestur27. apríl 2026

Tungumálahæfni