Laus störf Hæfnileit Vinnustaðir Námskeið

Alva Capital ehf.

Alva Capital er fjárfestingar- og fasteignafélag sem hefur í gegnum tíðina komið að stofnun og rekstri fjölmargra spennandi fyrirtækja, meðal annars Netgíró, Heimkaupa, Inkasso og Moberg. Megináherslur félagsins í dag eru fasteignaþróun, hótelrekstur, útleiga og rekstur fasteigna. Við ætlum okkur stóra hluti í fasteignaþróun á næstu misserum. www.alvacapital.is

Vinnustaðurinn

Verkefnastjóri framkvæmda

ALVA Capital leitar að öflugum verkefnastjóra til að stýra framkvæmdaverkefnum innan ört vaxandi eignasafns félagsins á sviði fasteignaþróunar.

Félagið hefur byggt upp fjölbreytt safn hótel- og annarra fasteigna í Reykjavík og fram undan eru meðal annars Valhöll og fleiri þróunarverkefni.

Viðkomandi ber ábyrgð á verkefnastýringu, verkbókhaldi, innkaupum og kostnaðareftirliti framkvæmda og verður lykilaðili í að móta og bæta skipulag framkvæmdaverkefna innan félagsins.

Helstu verkefni og ábyrgð

Verkefnastýring, rekstur og yfirumsjón með framkvæmdaverkefnum
Gerð og eftirfylgni tíma-, kostnaðar- og greiðsluáætlana
Verkbókhald, yfirferð verktakareikninga og samanburður framvindu við áætlanir
Kostnaðareftirlit, uppgjör verkefna og skýrslugjöf um framvindu og frávik
Innkaup á efni og þjónustu og yfirumsjón með verðfyrirspurnum og útboðum
Umsjón með samskiptum við hönnuði, verktaka og aðra hagaðila

Menntunar- og hæfniskröfur

Háskólamenntun sem nýtist í starfi, svo sem byggingarverkfræði, byggingartæknifræði, byggingarfræði eða önnur sambærileg menntun
Reynsla af verkefnastjórnun verklegra framkvæmda
Reynsla af verkbókhaldi og kostnaðareftirliti
Geta til að lesa teikningar og vinna kostnaðaráætlanir út frá þeim
Framúrskarandi samskipta-, skipulags- og leiðtogahæfni
Sjálfstæð, nákvæm og lausnamiðuð vinnubrögð