Laus störf Hæfnileit Vinnustaðir Námskeið

Alcoa Fjarðaál

Álver Alcoa Fjarðaáls í Reyðarfirði hóf starfsemi árið 2007. Fjarðaál er eitt af nútímalegustu og tæknilega fullkomnustu álverum heims og er fyrirmynd hvað varðar umhverfisvernd og jafnréttismál. Álverið er það stærsta á Íslandi með framleiðslugetu allt að 360.000 tonn af áli á ári. Álver Alcoa Fjarðaáls er stór og lifandi vinnustaður sem aldrei sefur. Saman sköpum við útflutningsverðmæti á öruggan og ábyrgan hátt, allan sólarhringinn, alla daga ársins. Gildi okkar eru heilindi, árangur, umhyggja og hugrekki. Öryggi og heilbrigði eru ávallt forgangsmál á vinnustaðnum. Við höfum stöðugar umbætur að leiðarljósi og leggjum áherslu á þátttöku allra í umbótavinnu. Við viljum líka hafa gaman í vinnunni og láta gott af okkur leiða í samfélaginu á Austurlandi. Samkeppnishæf launakjör og aðbúnaður til fyrirmyndar Fjarðaál greiðir samkeppnishæf laun og aðbúnaður starfsmanna er til fyrirmyndar. Við fáum meðal annars ókeypis akstur til og frá vinnu og frítt fæði í frábæru mötuneyti. Við erum með öflugt mannauðsteymi og höfum okkar eigin heilsugæslu og aðgang að Velferðarþjónustu Heilsuverndar. Fjölbreytt störf og mikil tækifæri til starfsþróunar Fastráðnir starfsmenn Fjarðáls eru um 540 og þar að auki starfa um 250 manns á vegum annarra fyrirtækja í álverinu. Störfin hjá Fjarðaáli eru afar fjölbreytt og tækifæri til þjálfunar, menntunar og starfsþróunar eru mikil. Móðurfélagið Alcoa Corporation er leiðandi í áliðnaði á heimsvísu og þar eru líka tækifæri til starfsþróunar.

Vinnustaðurinn

Vélstjóri á víravél í steypuskála / Maintenance Technician for the Rodding Mill in the Casthous

Alcoa Fjarðaál leitar að öflugum einstaklingi í starf vélstjóra á víravél í steypuskála. Vélstjórinn ber ábyrgð á daglegum rekstri, eftirliti og viðhaldi steypuvéla. Starfið felur í sér að tryggja stöðugleika, gæði og öryggi í framleiðsluferlinu, auk þess að styðja við umbótaverkefni og áreiðanleikaferli. Vélstjórinn vinnur náið með framleiðsluteymi, viðhaldssérfræðingum og öðrum teymum til að hámarka nýtingu og draga úr óskipulögðum stoppum.

Helstu verkefni og ábyrgð

Verksvið eða meginverkefni starfsins

Framkvæma stöðluð eftirlit samkvæmt gátlistum (GÁT-MÁL-ROD 203/204/205) og skrá niðurstöður.
Sinna smáviðgerðum og neyðarviðgerðum til að tryggja gang vélanna.
Skrá allar viðgerðir og athugasemdir í eAM kerfi.
Taka þátt í umbótaverkefnum, vöktun og greiningu á vélbúnaði.
Sitja á vikulegum framleiðslufundum og leggja fram tillögur að umbótum.
Hafa yfirsýn yfir verk á viðhaldsdögum, samræma skipulag og tryggja að verk séu kláruð.
Meta breytingar á plani í samvinnu við viðhaldsleiðtoga.
Aðstoða við skipulag og framkvæmd viðsnúnings vélarinnar.
Tryggja skýrar boðleiðir og hraðan viðbragðstíma í samskiptum við önnur teymi.

Ábyrgð í starfi

Vinna samkvæmt samþykktum ferlum og verklagsreglum.
Tryggja að öll verk sem snerta öryggi og heilsu séu framkvæmd, tilkynna frávik ef þau koma upp.
Fylgja stöðlum Alcoa og Fjarðaáls.
Tryggja skráningu allra viðgerða og eftirlits í eAM kerfi.
Samræma og styðja við framkvæmd viðhaldsstoppa og viðsnúnings.
Taka þátt í umbótastarfi og breytingastjórnun (VS1–VS4).
Virkja hjálparkeðju og kalla inn viðhaldsvakt þegar þörf krefur.

Menntunar- og hæfniskröfur

Menntun og/eða réttindi sem krafist er

Iðnmenntun (vélfræði, vélvirkjun, rafvirkjun eða sambærilegt).

Reynsla sem krafist er

A.m.k. 5 ára starfsreynsla, helst í framleiðslu eða viðhaldi.

Hæfni sem krafist er

Geta unnið í teymi og sýna frumkvæði.
Góð samskiptahæfni og skipulagshæfni.
Þekking á áreiðanleikaferlum og viðhaldskerfum (eAM).
Góð almenn tölvufærni (Excel, Word, Outlook, PowerPoint).

Fríðindi í starfi

Íþrótta og meðferðastyrkir
Mötuneyti
Rútur frá helstu byggðarkjörnum

Alcoa Fjarðaál er stór og lifandi vinnustaður sem aldrei sefur. Saman sköpum við útflutningsverðmæti á öruggan og ábyrgan hátt, allan sólarhringinn, alla daga ársins. Alcoa Fjarðaál býður samkeppnishæf laun og minni vinnuskyldu en almennt þekkist og er aðbúnaður starfsmanna til fyrirmyndar. Öryggi og heilbrigði eru ávallt forgangsmál á vinnustaðnum og tækifæri til þjálfunar, menntunar og starfsþróunar eru mikil.

Gildi Alcoa eru heilindi, árangur, umhyggja og hugrekki.

Frekari upplýsingar um starfið veitir Kolfinna Finnsdóttir, sérfræðingur í ráðningum í gegnum netfangið [email protected]

Við erum gildisdrifin, knúin framtíðarsýn og sameinuð af tilgangi okkar að nýta tækifærin til að ná árangri. Skuldbindingar okkar varðandi þátttöku, fjölbreytni og jöfnuð fela í sér að bjóða upp á trausta vinnustaði þar sem öryggi og virðing eru í heiðri höfð og allir einstaklingar eru án aðgreiningar, lausir við mismunun, einelti og áreitni og að vinnustaðir okkar endurspegli fjölbreytileika samfélaganna sem við störfum í.

Í samræmi við jafnréttisstefnu Alcoa Fjarðaáls og lög nr. 150/2020 eru einstaklingar af öllum kynjum hvattir til að sækja um.

Hægt er að sækja um starfið á Alcoa.is.

Umsóknarfrestur er til og með 5. mars.

Auglýsing birt18. febrúar 2026

Umsóknarfrestur6. mars 2026

Tungumálahæfni