Umsjónarmaður nótna

Sinfóníuhljómsveit Íslands óskar eftir að ráða umsjónarmann nótna í fullt starf. Leitað er að áhugasömum og metnaðarfullum einstaklingi sem býr yfir drifkrafti og góðum samskiptaeiginleikum.

Sinfóníuhljómsveit Íslands er ein stærsta menningarstofnun landsins með rúmlega hundrað manna starfslið. Hljómsveitin heldur úti fjölbreytilegri tónleikadagskrá, hljóðritar til innlendrar og erlendrar útgáfu, fer í tónleikaferðir innanlands og utan, auk þess sem hún stendur fyrir metnaðarfullu fræðslustarfi fyrir börn og fullorðna. Aðsetur Sinfóníuhljómsveitar Íslands er í Hörpu.