Laus störf Hæfnileit Vinnustaðir Námskeið

Grímsnes- og Grafningshreppur

Sveitarfélagið Grímsnes- og Grafningshreppur er í miðri Árnessýslu, 890 km2 að stærð. Það varð til 1. júní 1998 við sameiningu tveggja hreppa Grímsneshrepps og Grafningshrepps. Þéttbýliskjarninn sveitarfélagsins er Borg og íbúar eru um 500. Mjög góð búsetuskilyrði eru í sveitarfélaginu og er sveitarfélagið afar vinsælt svæði fyrir frístundahús. Framtíðarsýn sveitarfélagsins er að Grímsnes- og Grafningshreppur verði eftirsóknarvert svæði til búsetu, atvinnu, frístundaiðju og útivistar. Þar verði góð skilyrði fyrir atvinnustarfsemi og þjónustu og að fjölbreytni búsetukosta í sveit og þéttbýli verði styrkur svæðisins. Margir fallegir staðir eru í sveitarfélaginu og má þar nefna Hengilsvæðið, Sogið, Kerið, Úlfljótsvatn og Þrastaskóg.

Vinnustaðurinn

Umsjónaraðili Gámastöðin Seyðishólum

Æskilegt er að viðkomandi geti hafið störf sem fyrst og sé tilbúinn að takast á við fjölbreytt og krefjandi starf. Starfshlutfallið er 50% og fer vinnan fram bæði á virkum dögum og um helgar.

Umsjónaraðili sér um opnun gámastöðvarinnar samkvæmt auglýstum opnunartíma. Umsjónaraðili gámastöðvar hefur umsjón með faglegri starfsemi er fellur undir starfssvið gámastöðvarinnar, sér um að farið sé eftir þeim reglugerðum sem gilda um meðferð og flokkun á þeim efnum sem berast og fylgir eftir að viðhaldi á svæðinu sé sinnt.

Umsjónaraðili sinnir umhirðu og verkstjórn með losun á gámasvæði og leiðbeinir íbúum við flokkun úrgangs og spilliefna ásamt því að vera í samskiptum við þjónustuaðila um losun a gámum.

Menntunar- og hæfniskröfur

Reynsla af sambærilegum störfum er kostur.

Skipulagsfærni, frumkvæði og sjálfstæði í vinnubrögðum.

Þjónustulund og hæfni í mannlegum samskiptum.

Almenn tölvukunnátta.

Laun eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.
Umsókn skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.
Öllum umsóknum verður svarað.

Auglýsing birt30. maí 2023

Umsóknarfrestur6. júní 2023

Tungumálahæfni

Engar sérstakar tungumálakröfur

Staðsetning

Seyðishólar

Starfstegund

Hæfni