Þjónustuhönnuður

Viltu hanna framtíðarþjónustu borgarinnar?

Þjónustu- og nýsköpunarsvið leitar að metnaðarfullum þjónustuhönnuði í tímabundið starf til eins árs. Markmið starfsins er að hanna og bæta þjónustu borgarinnar með því að setja notendur í fyrsta sæti.

Reykjavíkurborg er einn stærsti og fjölbreyttasti þjónustuveitandi landsins. Þjónustuhönnuðir gegna lykilhlutverki í umbreytingu á þjónustu borgarinnar og taka þátt í að hanna þjónustur sem snerta líf allra borgarbúa. Unnið er í þverfaglegum teymum þar sem lögð er rík áhersla á öflugt teymisstarf, skapandi hugsun og notendamiðaða nálgun.

Helstu verkefni og ábyrgð

Sem þjónustuhönnuður munt þú ...

Taka þátt í fjölbreyttum verkefnum sem snúa að stafrænni vegferð borgarinnar, styðja við nýsköpun og bæta þjónustu við íbúa og starfsfólk.
Vera hluti af teymi þjónustuhönnunar sem vinnur náið með vöruhönnuðum, notendarannsakendum, textasmiðum og forriturum.
Framkvæma notendarannsóknir með fjölbreyttum hópi notenda.
Vinna með eigindleg og megindleg gögn, setja þau í samhengi og gera skiljanleg fyrir helstu hagaðila.
Hanna og leiða vinnustofur til að dýpka skilning á upplifun íbúa og kortleggja þjónustuveitingu innan borgarinnar.
Búa til frumgerðir af nýjum lausnum og prófa þær með notendum.
Taka þátt í að innleiða nýjar þjónustur.
Vera boðberi skapandi hugsunar og aðferðarfræði þjónustuhönnunar.

Menntunar- og hæfniskröfur

Reynsla og hæfni

Háskólamenntun sem nýtist í starfi
Þekking á aðferðarfræði þjónustuhönnunar (e. service design) og geta til að nýta þá þekkingu í starfi
Reynsla af því að hanna og leiða vinnustofur
Hæfni til greiningar og miðlunar á gögnum
Framúrskarandi hæfni í mannlegum samskiptum
Reynsla og hæfni til að vinna í teymi
Geta til að tjá sig í ræðu og riti á íslensku og á ensku

Aðrir góðir kostir

Fútt og sköpunarkraftur
Þekking á vinnuumhverfi hugbúnaðarþróunar
Drifkraftur, frumkvæði og metnaður
Jákvætt viðhorf til jafnréttis og fjölbreytileika

Fríðindi í starfi

Við bjóðum upp á

Great place to work vottaðan vinnustað
Regnbogavottaðan vinnustaður
Tækifæri til að móta og þróa starfið
36 stunda vinnuviku
Sveigjanleika á vinnutíma
Heilsu - og samgöngustyrk
Sundkort og menningakort

Vinnustaðurinn

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Þjónustu- og nýsköpunarsvið hefur fengið viðurkenningu fyrir frábæra vinnustaðamenningu (Great place to work) og vorum við í öðru sæti fyrir fyrirtæki og/eða stofnanir sem huga að vellíðan starfsfólks og í öðru sæti fyrir fyrirtæki og/eða stofnanir með 100 eða fleira starfsfólk fyrir frábær vinnustaður fyrir konur. Einnig erum við regnbogavottaður vinnustaður. Markmið með regnbogavottun Reykjavíkurborgar er að gera starfsemi Reykjavíkurborgar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Viltu læra meira um okkur og þjónustuhönnun?

Launakjör eru samkvæmt kjarasamningi Reykjavíkurborgar og viðkomandi stéttarfélags.

Æskilegt er að viðkomandi geti hafið störf sem fyrst. Umsóknarfrestur er til 10.apríl n.k. Nánari upplýsingar um starfið veitir Andri Geirsson teymisstjóri þjónustuhönnunar í gegnum tölvupóstfangið [email protected]

Eftirfarandi gögn skulu fylgja umsókn:

Starfsferilsskrá
Kynningarbréf þar sem umsækjandi gerir grein fyrir áhuga og hæfni í starfið
Portfólío/dæmi um verkefni

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi. Verkefnin eru afar fjölbreytt og snerta daglegt líf borgarbúa með margvíslegum hætti.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt27. mars 2025

Umsóknarfrestur10. apríl 2025

Tungumálahæfni

Engar sérstakar tungumálakröfur

Staðsetning

Borgartún 12-14, 105 Reykjavík

Starfstegund

Starfsgreinar

Starfsmerkingar

Fleiri störf (1)

Öryggis- og húsvörður stjórnsýsluhúsa

Reykjavíkurborg