Þjónustu- og uppsetningamaður

Vegna aukinna verkefna leita Héðinshurðir ehf nú að þjónustu- og uppsetningarmönnum til framtíðarstarfa. Við leitum eftir öflugum og þjónustuliprum einstaklingi sem er til í að takast á við spennandi og skemmtileg verkefni með okkur. Viðkomandi verður að vera ábyrgur, stundvís, hafa framúrskarandi samskiptahæfileika ásamt því að búa yfir hæfni til að starfa sjálfstætt.

Héðinshurðir ehf hafa verið með iðnaðarhurðir og bílskúrshurðir á boðstólnum í áraraðir og bjóða upp á úrvalsþjónustu þegar kemur að uppsetningum hurða, viðhaldi þeirra sem og þjónustusamningum til húsfélaga og fyrirtækja.