Teymisstjóri Efnismeðferðarteymis
Útlendingastofnun leitar að teymisstjóra til að leiða Efnismeðferðarteymi á verndarsviði stofnunarinnar. Verndarsvið hefur það hlutverk að afgreiða umsóknir um alþjóðlega vernd á Íslandi. Helstu verkefni teymisstjóra Efnismeðferðarteymis eru dagleg stjórnun teymisins, að tryggja að stjórnsýsluákvarðanir teymisins séu faglegar, vandaðar og í samræmi lög, að málsmeðferð sé skilvirk, hvetja og virkja starfsfólk til umbóta og mynda góðan liðsanda.
Teymisstjóri Efnismeðferðarteymis þarf að búa yfir leiðtogahæfni, frumkvæði og metnaði til að ná árangri í starfi. Teymisstjóri skal hafa mjög góða þekkingu á málefnasviðinu, reynslu af opinberri stjórnsýslu og vera reiðubúinn að taka þátt í og vinna að stöðugum umbótum. Teymisstjóri heyrir undir sviðsstjóra verndarsviðs Útlendingastofnunar.
Útlendingastofnun er spennandi vinnustaður á fleygiferð í stafrænni vegferð. Hjá stofnuninni starfar yfir 100 manna samhentur hópur á fjórum sviðum. Umfangsmesti þátturinn í starfsemi stofnunarinnar er útgáfa dvalarleyfa. Útlendingastofnun afgreiðir umsóknir um dvalarleyfi, hvort sem um er að ræða dvalarleyfi á grundvelli atvinnuþátttöku, fjölskyldusameiningar, námsvistar eða vistráðningar. Þá afgreiðir stofnunin einnig vegabréfsáritanir, umsóknir um ríkisborgararétt og umsóknir um alþjóðlega vernd. Lögð er rík áhersla á að vinnustaðurinn sé fjölskylduvænn og að starfsandi sé til fyrirmyndar. Boðið er upp á góða vinnuaðstöðu, sveigjanlegan vinnutíma og kost á fjarvinnu. Stofnunin hefur undanfarin ár tekið þátt í verkefninu um styttingu vinnuvikunnar og er miðað við 36 stunda vinnuviku hjá öllu starfsfólki.
- Dagleg stjórnun og skipulag efnismeðferðarteymis
- Ráðgefandi hlutverk og stuðningur fyrir starfsfólk teymisins
- Að umsóknir og erindi séu afgreidd á faglegan og skilvirkan hátt í samræmi við lög og reglugerðir
- Að efnismeðferðarteymi starfi í samræmi við stefnur og markmið stofnunar
- Að verkferlar séu til staðar, þeim fylgt og uppfærðir
- Fræðsla starfsfólks og samstarfsaðila
- Að unnið sé að stöðugum umbótum innan teymissins
- BA gráða í lögfræði ásamt meistaragráðu í lögfræði eða embættispróf í lögfræði
- Haldgóð reynsla af teymisstjórnun er skilyrði
- Þekking og reynsla af opinberri stjórnsýslu er skilyrði
- Þekking og reynsla af málefnum teymisins er mikill kostur
- Brennandi áhugi á stafrænum lausnum
- Skipulagshæfni og frumkvæði
- Mjög góð almenn tölvukunnátta
- Gott vald á íslensku og ensku í ræðu og riti
- Geta til að leiða umbótastarf
- Leiðtogahæfni og framúrskarandi hæfni í mannlegum samskiptum
- Sjálfstæði í vinnubrögðum og geta til að forgangsraða verkefnum
Íslenska
Enska