Laus störf Hæfnileit Vinnustaðir Námskeið

Norlandair

Norlandair var stofnað 1. júní 2008 og tók þá við rekstri Twin Otter flugvéla sem áður voru í eigu Flugfélags Íslands. Í dag rekur Norlandair þrjá Twin Otter og þrjár Beechcraft King Air flugvélar. Norlandair flýgur áætlunarflug frá Akureyri til Vopnafjarðar, Þórshafnar, Grímseyjar og Nerlerit Inaat. Frá Reykjavík til Bíldudals, Gjögurs og Nerlerit Inaat. Norlandair sinnir einnig sjúkraflugi sem og leiguflugsverkefnum á Grænlandi og hér heima.

Vinnustaðurinn

Tæknistjóri

Norlandair leitar eftir öflugum og reynslumiklum aðila í starf tæknistjóra hjá Part-145 viðhaldsverkstæði félagsins á Akureyri.

Starfið felur meðal annars í sér stjórnun og eftirfylgni með viðhaldsverkefnum, mannafla, tæknilegum málefnum, aðföngum, búnaði og verklagi. Tæknistjóri vinnur jafnframt náið með öðrum stjórnendum og starfsfólki Norlandair og kemur að samskiptum við viðskiptavini, birgja og eftirlitsaðila eftir því sem við á.

Helstu verkefni og ábyrgð

Stýra daglegri tæknilegri starfsemi viðhaldsverkstæðis
Tryggja að viðhald sé framkvæmt samkvæmt gildandi reglum, samþykktum verklagsreglum og Maintenance Organisation Exposition (MOE)
Tryggja að nægilegur og hæfur mannafli, aðstaða, verkfæri, búnaður og önnur aðföng séu til staðar fyrir starfssemina
Yfirsýn yfir skipulagningu og framkvæmd viðhalds og tryggja fagleg og örugg vinnubrögð
Stuðla að virkri öryggis- og gæðamenningu innan verkstæðisins
Eftirfylgni tæknilegra mála og þeim úrbótum sem tengjast starfseminni
Náið samstarf með öðrum stjórnendum og starfsfólki

Menntunar- og hæfniskröfur

Gilt EASA Part-66 flugvirkjaskírteini
Að lágmarki 5 ára viðeigandi starfsreynslu, þar af að minnsta kosti 2 ár í flugiðnaði í viðeigandi starfi
Góð reynsla og þekking á viðhaldi loftfara, viðhaldsaðferðum, flugöryggiskröfum og öruggum starfsháttum
Góð þekking á EASA Part-145 og öðrum viðeigandi reglum á sviði viðhalds og flugöryggis
Þekking á Human Factors, öryggisstjórnun (SMS), compliance monitoring og þeim stjórnunarkerfum sem gilda um Part-145 starfsemi
Vilji og geta til að afla sér viðeigandi þekkingar á þeim loftförum og/eða íhlutum sem falla undir starfssvið verkstæðisins;
Haldgóð reynsla af stjórnun og leiðtogahæfni
Sjálfstæði, skipulagshæfni og yfirsýn í hröðu og ströngu starfsumhverfi
Rík færni til samskipta og samstarfs
Góð íslensku- og enskukunnáttu í töluðu og rituðu máli

Góð laun og starfskjör í boði fyrir réttan aðila.

Umsóknarfrestur er til og með 10. september 2026

Sótt er um á www.mognum.is

Með umsókn þarf að fylgja með ítarleg ferilsskrá auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veita: Sigríður Ólafsdóttir; [email protected] og Telma Eiðsdóttir; [email protected]

Viðhaldsverkstæði Norlandair er Arctic Maintenance sem var stofnað til að veita alhliða þjónustu fyrir flugfélög og eigendur loftfara á Akureyri og víðs vega um Ísland.

Arctic Maintenance var stofnað af þremur fyrrverandi starfsmönnum Air Iceland á Akureyri og er núna að fullu í eigu Norlandair.

Starfsmannahópurinn samanstendur af afar metnaðarfullum fagmönnum með margra ára sameiginlega reynslu úr flugiðnaðinum.

Auglýsing birt21. ágúst 2026

Umsóknarfrestur10. september 2026

Tungumálahæfni