Tæknilegur vörustjóri

Við leitum að öflugum sérfræðingi í hlutverk tæknilegs vörustjóra. Starfið felur í sér þátttöku í þróun og innleiðingu á upplýsingatæknilausnum fyrir viðskiptavini Sýnar. Verkefnin eru fjölbreytt og unnin í náinni samvinnu við þróunarteymi, viðskiptadeildir og sérfræðinga í einingum Sýnar til að tryggja að vörur og viðskiptaferlar standist bæði tæknilegar og viðskiptalegar kröfur. Viðkomandi mun tilheyra Upplýsingatæknisviði en á sviðinu starfa metnaðarfull teymi sem sérhæfa sig í hugbúnaðartengdum verkefnum Sýnar.

Helstu verkefni og ábyrgð

• Þátttaka í mótun vörusýnar og stefnu
• Forgangsröðun verkefna í samstarfi við ábyrgðar- og hagsmunaaðila
• Heldur utan um, skilgreinir verkefni og stýrir þróun á lausnum ásamt liðsstjóra
• Upplýsingagjöf til hagsmunaaðila og stjórnenda
• Yfirsýn yfir verkefni
• Tryggja gæði og öryggi lausna
• Tryggja framkvæmd prófana

Menntunar- og hæfniskröfur

• Háskólamenntun í tölvunarfræði, verkfræði, verkefnastjórnun eða önnur sambærileg menntun.
• Framúrskarandi skipulagshæfni og hæfni í mannlegum samskiptum
• Lausnamiðað hugafar og sveigjanleiki
• Þekking á Salesforce er mikill kostur
• Sýnir frumkvæði og er vel að sér í tækni
• Hæfni til að vinna sjálfstætt sem og hluti af teymi
• Góð færni í ensku, bæði í rituðu og töluðu máli

Hvað höfum við að bjóða þér?

• Frábæra vinnufélaga
• Framúrskarandi vinnuaðstöðu
• Spennandi verkefni
• Sveigjanlegt og fjölskylduvænt vinnuumhverfi
• Möguleika á starfsþróun
• Mötuneyti á heimsmælikvarða
• Internet- og farsímaáskrift auk sérkjara af sjónvarpsþjónustu
• Árlegan heilsustyrk
• Árlegan símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Við hvetjum áhugasama af öllum kynjum til að sækja um starfið. Umsóknarfrestur er til og með 16.febrúar nk. Nánari upplýsingar veitir Gunnar Sigurjónsson, [email protected], framkvæmdastjóri upplýsingatækni.

Einungis er tekið á móti umsóknum í gegnum ráðningavefinn okkar.

Hver erum við?

Sýn er leiðandi fyrirtæki á sviði fjarskipta og fjölmiðlunar á Íslandi. Undir Sýn heyra vörumerkin Vodafone, Stöð 2, Vísir, Bylgjan, FM957, X-977, Stöð 2 Sport og dótturfélagið Endor. Hjá okkur starfar samheldinn hópur fólks sem leitast stöðugt við að veita viðskiptavinum okkar framúrskarandi þjónustu.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.