Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Sumarstörf: Slökkviliðs- og sjúkraflutningamenn, vaktir

Slökkvilið Akureyrar óskar eftir að ráða slökkviliðs- og sjúkraflutningamenn. Um er að ræða afleysingastörf vegna sumarleyfa starfsmanna við sjúkraflutninga, slökkvistörf og önnur almenn störf slökkviliðsins. Vinnufyrirkomulag er vaktavinna.

Þar sem hallar á stöðu kvenna hjá slökkviliðinu, eru konur sérstaklega hvattar til að sækja um.

Helstu verkefni og ábyrgð

Útköll og æfingar vegna slökkviliðs.
Sjúkraflutningar, þjálfun, æfingar og endurmenntun.
Umhirða tækja og búnaðar Slökkviliðs Akureyrar.

Menntunar- og hæfniskröfur

Hafa gild ökuréttindi til að stjórna vörubifreið áður en viðkomandi hefur störf.
Iðnmenntun sem nýtist í starfi slökkviliðsmanna eða sambærileg menntun.
Jákvætt hugarfar og færni í mannlegum samskiptum.
Gott líkamlegt atgervi, andlegt og líkamlegt heilbrigði, reglusemi og háttvísi, góð sjón og heyrn, rétt litaskynjun og hvorki haldin lofthræðslu né innilokunarkennd.
Standast þrekpróf og læknisskoðun, auk annarra inntökuprófa.
Menntun og reynsla af störfum slökkviliðs- og sjúkraflutningamanna er kostur.
Umsækjendur þurfa að uppfylla skilyrði 8.gr. reglugerðar nr.792/2001 um Brunamálaskólann og réttindi og skyldur slökkviliðsmanna.
Gerð er krafa um vammleysi, s.s. gott orðspor og að framkoma og athafnir á vinnustað og utan hans samrýmist starfinu.

Framangreindum hæfniskröfum er ekki raðað eftir mikilvægi. Akureyrarbær áskilur sér rétt til að óska eftir umsögnum frá fyrri vinnuveitendum sem og rétt til bakgrunnsskoðunar umsækjenda hjá Ríkislögreglustjóra.

Með umsókn þarf að skila inn eftirfarandi fylgigögnum:

Prófskírteinum.
Ljósriti af ökuskírteini.
Ökuferilskrá.
Almennri ferilskrá.
Kynningarbréfi.
Almennt vottorð frá lækni sem staðfestir að viðkomandi megi fara í þrekpróf hjá Slökkviliðinu, sé ekki litblindur og að sjón og heyrn séu í lagi.

Tekið skal fram að umsóknir án ofantaldra gagna verða ekki teknar til úrvinnslu.

Tekið verður tillit til Mannréttindastefnu Akureyrarbæjar um jafnréttismál við ráðningu í störfin.

Laun eru samkvæmt kjarasamningi Sambands íslenskra sveitarfélaga og Landssambands slökkviliðs-og sjúkraflutningamanna.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veita Maron Pétursson, varaslökkviliðsstjóri í síma 461-4202 eða á [email protected] og Elva Dögg Pálsdóttir, verkefnastjóri í síma 461-4204 eða á [email protected]

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 25. febrúar 2024.

Auglýsing birt30. janúar 2024

Umsóknarfrestur25. febrúar 2024

Tungumálahæfni