Leikskólinn Akrasel á Akranesi er grænfánaleikskóli og fyrsti UNESCO leikskólinn á Íslandi. Aðaláherslur í starfi eru tengdar við Heimsmarkmið, Barnasáttmála og umhverfismennt. Í leikskólanum ríkir einstaklega góður skólabragur þar sem seigla og trú á verkefnin einkenna starfsmannahópinn. Við viljum taka þátt í samfélagsþróun og vitundarvakningu um lýðræðisleg vinnubrögð með börnum og fyrir börn og jafnrétti allra barna. Vinna eftir gildum Barnasáttmála sýna í verki hjálpsemi og góðmennsku.