Stuðningsfulltrúi i

Í skemmtilegan og fjölbreyttan starfsmannahóp vantar okkur stuðningsfulltrúa.

Í Fellaskóla er fjölbreyttur og hæfileikaríkur nemendahópur. Flestir nemendanna tala fleiri en eitt tungumál og tengjast fjölmörgum löndum og menningarsvæðum. Með nemendum starfar öflugur hópur starfsfólks. Skólastarfið einkennist af jákvæðum skólabrag, samvinnu kennara sem miðar að því að koma til móts við ólíkar þarfir nemenda, styrkja samskipti innan nemendahópsins og skapa metnaðarfullt námsumhverfi án aðgreiningar þar sem nemendur geta látið drauma sína rætast.

Stuðningsfulltrúi starfar náið með kennurum og öðrum stuðningsfulltrúum . Næsti yfirmenn er aðstoðarskólastjóri.

Fellaskóli er skóli án aðgreiningar og meginstefnan er að sérkennsla og ÍSAT kennsla fari fram í bekk. Mikil áhersla er á læsi í yngstu árgöngunum og við vinnum náið með leikskólum hverfisins til að efla málþroska nemenda. Í Fellaskóla starfar talmeinafræðingur.

Fellaskóli er símalaus skóli, sem þýðir að nemendur nota ekki síma á skólatíma.

Við bjóðum upp á skemmtilegt starfsumhverfi, flottan starfsmannahóp og rík tækifæri til að þróast í starfi. Við leitum bæði að áhugasömum kennurum og leiðbeinendum með fjölbreytta menntun og bakgrunn.

Um er að ræða hlutastarf og / eða fullt starf. Ef um fullt starf er að ræða er hluti af vinnuskyldu í frístundaheimilinu Vinafelli í Fellaskóla fyrir nemendur í 1. og 2. bekk.