Hrafnkatla býður upp á margvíslega þjónustu sem miðar að því að styðja börn og ungmenni í öruggu og faglegu umhverfi. Hrafnkatla rekur búsetuúrræði fyrir börn og ungmenni sem þurfa faglegt og öruggt umhverfi með daglegum stuðningi og leiðsögn til aukins sjálfstæðis. Þar á meðal er starfrækt fjölskylduheimili fyrir ungmenni á aldrinum 12–20 ára sem geta ekki búið hjá foreldrum sínum og þurfa stöðugt og stuðningsríkt heimili. Á heimilinu er pláss fyrir allt að fjögur börn og unnið er út frá tengslamyndandi nálgun og gagnreyndum aðferðum, þar sem áhersla er lögð á traust, stöðugleika og einstaklingsmiðaða umönnun. Auk þess býður Hrafnkatla upp á bráðavistun barna allan sólarhringinn og hvíldar- og sumardvöl, sem gefur börnum og fjölskyldum þeirra tækifæri til hvíldar í öruggu umhverfi. Hrafnkatla býður einnig upp á einstaklingsstuðning, óboðað eftirlit og eftirlit með umgengni, sem miða að því að tryggja öryggi barna, efla félagsfærni og styðja við jákvæð samskipti og tengsl innan fjölskyldu. Markmið Hrafnkötlu er að efla sjálfstraust, félagsfærni og farsæld einstaklinga og styðja þá í átt að auknu sjálfstæði, ábyrgð og bættum lífsgæðum með framtíðina að leiðarljósi.