Laus störf Hæfnileit Vinnustaðir Námskeið

Leikskólinn Lyngholt

Leikskólinn Lyngholt er sex deilda leikskóli fyrir börn á aldrinum 1-6 ára og er opnunartími skólans er 7:45- 16:15 alla virka daga. Leikskólinn starfar í anda Uppbyggingarstefnunnar og með ART. Ásamt vinnu með farsæld barna í samvinnu við Fjarðabyggð. ,,Allir geta eitthvað, enginn getur allt" eru einkunnarorð skólans og leiðarljós okkar í öllu starfi. Því fær hver og einn notið sinna styrkleika því þannig byggjum við upp sterka sjálfsmynd. Við sem erum í Lyngholti erum sjálfstæð og glöð og berum virðingu fyrir umhverfi okkar. Við tileinkum okkur jákvæðni, gleði, hreinskiptni og virðingu.

Vinnustaðurinn

Starfsfólk í stuðning við Leikskólann Lyngholt, Reyðarfirði

Lyngholt er 90 nemenda skóli sem skiptist í sex deildir. Skólinn er skipaður góðu og metnaðarfullu fagfólki. Skólinn er staðsettur í nýlegu húsnæði við Heiðarveg. Grunnskóli Reyðarfjarðar er í næsta nágrenni við skólann og á milli stofnana er mikið og gott samstarf. Lyngholt vinnur samkvæmt uppeldisaðferðunum Uppeldi til ábyrgðar og ART. Skólinn tekur virkan þátt í ýmsu þróunarstarfi með öðrum skólum í Fjarðabyggð.

Helstu verkefni og ábyrgð

Ber ábyrgð á og annast þjálfun og umönnun nemenda með fötlun.
Stendur vörð um réttindi nemenda sinna og stuðlar að því að þeir njóti bestu þjónustu sem möguleg er á hverjum tíma.
Vinnur að uppeldi og menntun barna á leikskólanum. Fylgist vel með velferð þeirra og hlúir að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
Aðstoðar nemendur við daglegar athafnir og reynir að ýta undir færni og sjálfstæði þeirra
Vinnur eftir áætlun sem útbúin hefur verið vegna sérþarfa nemenda.
Samstarf við foreldra/forráðamenn barna á leikskólanum.

Menntunar- og hæfniskröfur

Starfsleyfi sem þroskaþjálfi/iðjuþjálfi er æskilegt (leyfisbréf fylgi umsókn)
Reynsla af starfi með fötluðum börnum er æskileg
Reynsla af uppeldis og kennslustörfum æskileg
Sjálfstæð vinnubrögð og sveigjanleiki
Þekking á sjónrænu skipulagi
Góð færni í samskiptum
Frumkvæði í starfi og faglegur metnaður
Góð íslenskukunnátta

Fáist ekki starfsmaður með leyfisbréf, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019.

Um er að ræða 100 % stöðu. Við hvetjum áhugasama til að sækja um. Umsækjendur þurfa að geta hafið störf sem fyrst.

Starfsmenn fá 45.000 kr. greiðslur á mánuði fyrir að matast með börnum.

Launakjör eru samkvæmt kjarasamningum sveitarfélagsins við viðkomandi stéttarfélag. Karlar jafnt sem konur eru hvattir til að sækja um stöðuna.

Nánari upplýsingar gefur:

Lísa Lotta Björnsdóttir skólastjóri, [email protected] s. 4741257/8608176

Umsóknarfrestur hefur verið framlengdur 20 febrúar 2026.

Auglýsing birt15. janúar 2026

Umsóknarfrestur20. febrúar 2026

Tungumálahæfni