Laus störf Hæfnileit Vinnustaðir Námskeið

Ískraft

ÍSKRAFT var stofnað af Herborgu Halldórsdóttur og Hreggviði Þorgeirssyni í nóvember 1975. Í upphafi einskorðaði fyrirtækið sig við útvegun raflagnaefnis til rafveitna, ekki síst til RARIK sem þá vann að lagningu Byggðalínu. ÍSKRAFT útvegaði í þetta umfangsmikla verkefni, tengivirki, línuvír, einangra, spennubreyta og margt fleira. Árið 1980 jukust umsvifin á hinum almenna rafiðnaðarmarkaði og hefur síðan verið unnið stöðugt að útvíkkun starfseminnar á því sviði. Í árslok 1987 sameinuðust ÍSKRAFT og Ásel hf. í Garðabæ og jókst þá vöruúrvalið á sviði töflubúnaðar mjög. Árið 1999 er Ískraft keypt og sameinast rekstri Húsasmiðjunnar.

Vinnustaðurinn

Söluráðgjafi á rafmagnsvörum

Vegna aukinna umsvifa óskar Ískraft eftir að ráða Söluráðgjafa í nýjar og glæsilegar höfuðstöðvar okkar á Höfðabakka 7. Um er að ræða fjölbreytt verkefni í skemmtilegu starfsumhverfi þar sem reynir á frumkvæði, sjálfstæð vinnubrögð og gott skipulag. Lögð er rík áhersla á jákvæð samskipti og samvinnu ásamt því að viðkomandi falli vel að góðri liðsheild fyrirtækisins. Eftirsóknarvert er að fá til liðs við okkur þá sem eru tilbúnir að leggja sitt af mörkum við að veita framúrskarandi þjónustu til okkar viðskiptavina og hafa jákvætt hugarfar.

Helstu verkefni og ábyrgð

Almenn sölustörf á rafmagnsvörum
Tilboðsgerð og eftirfylgni þeirra
Ráðgjöf til viðskipavina
Afgreiðsla og þjónusta við viðskiptavini
Ýmis verkefni sem tengjast sölu og þjónustu
Önnur tilfallandi störf

Menntunar- og hæfniskröfur

Iðnmenntun á rafmagnssviði
Reynsla í rafvirkjun eða úr sambærilegu starfi
Góð færni í mannlegum samskiptum
Mikil þjónustulund
Reynsla af sölustörfum er kostur
Góð íslensku og enskukunnátta
Stundvísi, skipulögð og sjálfstæð vinnubrögð

Fríðindi í starfi

Afsláttarkjör í verslunum Ískarfts, Húsamiðjunnar og Blómavals
Ýmsir styrkir til heilsueflingar, s.s. líkamsræktarstyrkur, samgöngustyrkur, heilsufarsskoðun, bólusetningar o.fl.
Aðgangur að orlofshúsum

Nánari upplýsingar um starfið veitir Friðrik Jósafatsson, sölustjóri [email protected] og Brynjar Stefánsson, framkvæmdastjóri [email protected]

Farið er með allar umsóknir sem trúnaðarmál. Hvetjum öll áhugasöm til að sækja um óháð kyni.

Ískraft er rafiðnaðarheildsala og leiðandi á því sviði á íslenskum markaði. Fyrirtækið hefur starfað síðan 1975. Ískraft rekur 4 starfsstöðvar, í Reykjavík, Akureyri, Selfossi og Reykjanesbæ. Ískraft er lifandi og skemmtilegur vinnustaður þar sem ríkir góður starfsandi og sterk liðsheild. Hjá Ískraft starfa um 40 starfsmenn með fjölbreyttan bakgrunn. Lögð er rík áhersla á símenntun og fræðslu og að starfsmenn eigi þess kost að eflast og þróast í starfi.

Auglýsing birt4. júní 2024

Umsóknarfrestur23. júní 2024

Tungumálahæfni